கோவை; கோவை காமாட்சிபுரி ஆதினம், 51 சக்தி பீடத்தில் நடந்த, 30வது ஜெயந்தி விழாவில் சமூக சேவகர்கள் கவுரவிக்கப்பட்டனர்.

ஒண்டிப்புதுார் அருகே காமாட்சிபுரி ஆதினம், 51 சக்தி பீடத்தில் அங்காள பரமேஸ்வரி அம்மன், முப்பெரும் தேவியர், சிவன், முருகன் உள்ளிட்ட தெய்வங்கள் உள்ளன. இந்நிலையில், காமாட்சிபுரி ஆதினம் பஞ்சலிங்கேஸ்வர சுவாமிகளின், 30வது ஜெயந்தி விழா நடந்தது. இதில், தெய்வங்களுக்கு சிறப்பு வழிபாடுகள் செய்யப்பட்டன. திருவிளக்கு வழிபாடு, திருமுறை வேள்வி என, பல்வேறு நிகழ்ச்சிகளை அடுத்து, சமூக சேவகர்களுக்கு விருதுகள் வழங்கப்பட்டன. நிறைவில், சங்கமம் நாட்டுப்புற கலைக் குழுவின் ஒயிலாட்டம் பக்தர்களை கவர்ந்தது. ஆதின சீடர்கள், ஆன்மிக தொண்டர்களுக்கு நினைவு பரிசுகள் வழங்கப்பட்டன.