களக்காடு; களக்காடு சத்தியவாகீஸ்வரர் கோமதி அம்பாள் கோயிலில் ஐப்பசி மாத திருக்கல்யாண விழா நேற்று நடந்தது. காலையில் கோமதி அம்பாள் தவசு காட்சி இடம் பெற்றது. மாலையில் சத்தியவாகீஸ்வரர் விசேஷ அலங்காரத்தில் ரிஷப வாகனத்தில் எழுந்தருளி தபசு இருந்த அம்பாளுக்கு காட்சி அளித்தார். தொடர்ந்து சுவாமி, அம்பாளுக்கு தோள் மாலை மாற்றும் வைபவமும் நடத்தப்பட்டது. அதன் பின் கோயில் கொலு மண்டபத்தில் அம்பாளுக்கு திருக்கல்யாணம் நடந்தது. இதில் ஏராளமான பக்தர்கள் கலந்து கொண்டனர். ஏற்பாடுகளை விழா மண்டகப்படிதாரர்களான களக்காடு சேனை தலைவர் சமுதாயத்தினரும், கோயில் ஊழியர்களும் செய்திருந்தனர்.