திருக்கோவிலூர்; திருக்கோவிலூர், வெள்ளை விநாயகர் கோவில் ஏகாம்பரேஸ்வரர்க்கு அன்னாபிஷேகம் நடந்தது. திருக்கோவிலூர், ஆஸ்பிட்டல் ரோடு, வெள்ளை விநாயகர் கோவிலில் 11 அடி உயரமுள்ள பழமையான சிவலிங்கம் உள்ளது. ஏகாம்பரேஸ்வரர் என அழைக்கப்படும் பிரசித்தி பெற்ற லிங்கேஸ்வரருக்கு நேற்று ஐப்பசி பவுர்ணமியை முன்னிட்டு அன்னாபிஷேகம் நடந்தது. மாலை 6:00 மணிக்கு அன்னம், காய்கறிகளால் அலங்கரிக்கப்பட்டு மகாதீப ஆராதனை நடந்தது. தொடர்ந்து அன்னம் களையப்பட்டு அபிஷேகம், அலங்காரம், தீபாராதனை நடந்தது. தொடர்ந்து பக்தர்களுக்கு அலங்கரிக்கப்பட்ட அன்னம் பிரசாதமாக விநியோகிக்கப்பட்டது. இதில் ஏராளமான பக்தர்கள் கலந்து கொண்டு ஏகாம்பரேஸ்வரரை பக்தி பரவசத்துடன் வணங்கினர்.