காளஹஸ்தி; சித்தூர் மாவட்டம் ஐரால மண்டலம் காணிப்பாக்கம் சுயம்பு ஸ்ரீ வரசித்தி விநாயக சுவாமி நேற்று கார்த்திகை மாதப் பௌர்ணமியை முன்னிட்டு, தேவஸ்தானம் சார்பில், ஸ்ரீ மணிகண்டேஸ்வர சுவாமி கோவிலில், லட்ச வில்வ அர்ச்சனை நடைபெற்றது. முன்னதாக பிரதான(விநாயகர் )கோயிலில் இருந்து வில்வங்கள் மற்றும் பூஜை பொருட்களை மேள தாளங்கள் மங்கள வாத்தியங்கள் முழங்க மணிகண்டேஸ்வர சுவாமி கோயில் வரை ஊர்வலமாக கொண்டுச் சென்று லட்ச வில்வார்ச்சனை நடத்தப்பட்டது தொடர்ந்து இரவு விநாயகர் கோயில் வளாகத்தில் உள்ள சிவன் கோயில் அருகில் நெய் தீபங்களால் அலங்காரம் மற்றும் ஜுவாலா தோரணம் நடைபெற்றது. தெலுங்கு கார்த்திகை பௌர்ணமியை யொட்டி கோயிலை சிறப்பு மலர்களாலும் மின் விளக்குகளாலும் அலங்காரம் செய்யப்பட்டிருந்தது . கார்த்திகை மாதப் பௌர்ணமி என்பதால்  கோயில் வளாகத்தில் உள்ள சத்யநாராயண சுவாமி சன்னதி அருகில் சத்யநாராயணா விரதப் பூஜை நடைபெற்றது. இந்த  நிகழ்ச்சியில் கோயில் துணை செயல் அதிகாரி ரவீந்திரபாபு, கண்காணிப்பாளர்கள் வாசு, கோதண்டபாணி, கோவில் ஆய்வாளர்கள், வேத பண்டிதர்கள் உள்ளிட்டோர் திரளான பக்தர்களுடன் கலந்து கொண்டனர்.