ஸ்ரீவில்லிபுத்தூர்; சதுரகிரி சுந்தர மகாலிங்கம் கோயிலில் மார்கழி மாத பிரதோஷம் மற்றும் அமாவாசை வழிபாட்டிற்கு, மழை சூழல் மற்றும் இந்திய வானிலை மைய அறிவிப்பை பொறுத்து பக்தர்களை அனுமதிப்பது குறித்து டிசம்பர் 27 அன்று அறிவிக்கப்படுமென வனத்துறை தெரிவித்துள்ளது. இக்கோயிலில் டிசம்பர் 28ல் மார்கழி மாத பிரதோஷம், டிச.30ல் அமாவாசை வழிபாடு நடக்கிறது. இதற்கான ஏற்பாடுகளை கோவில் நிர்வாகம் செய்து வருகிறது. இதனை முன்னிட்டு பக்தர்களை சுவாமி தரிசனம் செய்ய அனுமதிப்பதற்கு முதல் நாள் மலைப்பகுதியில் நிலவும் மழை சூழலை பொறுத்தும், இந்திய வானிலை மைய அறிவிப்பை பொறுத்தும் டிசம்பர் 27ல் வனத்துறை சார்பில் அதிகாரப்பூர்வமாக அறிவிக்கப்படும் என புலிகள் காப்பக துணை இயக்குனர் தேவராஜ் தெரிவித்தார்.