பரமக்குடி; பரமக்குடி மற்றும் அருகில் உள்ள ஐயப்பன் கோயில்களில் மண்டல பூஜை விழா சரண கோஷத்துடன் கோலாகலமாக நடந்தது.

பரமக்குடி தரைப்பாலம் அருகில் உள்ள தர்மசாஸ்தா கோயிலில் இன்று காலை கணபதி ஹோமம் கருப்பண சுவாமிக்கு அபிஷேகம் நடந்தது பின்னர் ஐயப்பனுக்கு அபிஷேகம் நிறைவடைந்து சர்வ அலங்காரத்தில் அய்யன் அருள் பாலித்தார். மாலை விதிவலம் நடந்தது. *எமனேஸ்வரம் வண்டியூர் திடலில் அமைந்துள்ள ஐயப்பன் கோயிலில் 108 கலச அபிஷேகம் நடந்தது. பின்னர் அனைத்து வகையான அபிஷேகங்களும் நிறைவடைந்து, மாலை 5:00 மணிக்கு ஐயப்பன் சர்வ அலங்காரத்துடன் வீதி உலா வந்தார்.

*பரமக்குடி பாரதி நகர் தர்ம சாஸ்தா கோயிலில் லட்சார்ஜனை மற்றும் மண்டல பூஜை விழா நடந்தது. இன்று காலை வைகை ஆற்றில் இருந்து ஐயப்பமார்கள் பால்குடம் எடுத்து வந்தனர். பின்னர் சிறப்பு அபிஷேகம் நிறைவடைந்து, புஷ்பாஞ்சலி விழா நடந்தது.

*பரமக்குடி அருகே சோமநாதபுரம் செல்வ விநாயகர் கோயிலில் ஐயப்பன் தனி சன்னதியில் அருள்பாலிக்கிறார். இன்று காலை சிறப்பு ஹோமங்கள் நிறைவடைந்து, மகா அபிஷேகம் நடந்தது. தொடர்ந்து ஐயன் சர்வ அலங்காரத்துடன் வீதி உலா வந்தார். அனைத்து கோயில்களிலும் ஐயப்பமார்கள் சரண கோஷம் வழங்க விழாவை கொண்டாடி மகிழ்ந்தனர். அன்னதானம் வழங்கப்பட்டது.