திருவண்ணாமலை; ஆனி மாத பவுர்ணமியான இன்று திருவண்ணாமலை அருணாசலேஸ்வரர் கோவிலில், சுவாமி தரிசனம் செய்ய கூட்டம் அலைமோதுகிறது. 

திருவண்ணாமலையில் தினமும், ஆயிரக்கணக்கானோரும், பவுர்ணமி தோறும் லட்சக்கணக்கான பக்தர்களும், 14 கி.மீ., சுற்றளவு கொண்ட மலையை வலம் வந்து அருணாசலேஸ்வரர், உண்ணாமுலையம்மனை வழிபட்டு செல்கின்றனர். இந்நிலையில், ஆனி மாத பவுர்ணமி திதி நாளை(10ம் தேதி) அதிகாலை, 2:36 மணி முதல், நாளை மறுநாள், 11ம் தேதி அதிகாலை, 3:11 மணி வரை உள்ளது. இதனால் பவுர்ணமி முன்னிட்டு, நள்ளிரவு தொடங்கிய இன்று அதிகாலை முதல் லட்சக்கணக்கான பக்தர்கள் கிரிவலம் சென்று வருகின்றனர். இரட்டைப் பிள்ளையார் கோவில் பகுதியில், 6 மணி நேரத்துக்கும் மேலாக தரிசனத்திற்கு பக்தர்கள் காத்திருந்தனர். மேலும், கோவிலில், பல மணி நேரம் நீண்ட வரிசையில் காத்திருந்து அருணாசலேஸ்வரர், உண்ணாமுலையம்மனை வழிபட்டனர்.