திருப்பதி: திருமலை கோவிலில், ஆண்டுதோறும் நடைபெறும் பவித்ரோற்சவம், இன்று ஆகஸ்ட் 4 ஆம் தேதி மரக்கன்றுகள் காணிக்கையுடன் தொடங்குகிறது.

தேவஸ்தான அர்ச்சகர்கள், ஊழியர்கள் மற்றும் பக்தர்கள், தெரியாமல் செய்த தவறுகளுக்கு பரிகாரமாக, பல நிற பட்டு நூலிழைகளால் மாலை தயாரித்து, பெருமாளுக்கும், தாயாருக்கும் சாத்துவதே இந்த உற்சவத்தின் முக்கியத்துவம். வைஷ்ணவ சம்பிரதாயப்படி, நாளை முதல், வரும், 7ம் தேதி வரை, மூன்று நாட்கள், பவித்ரோற்சவம் நடைபெற உள்ளது. 

துவக்க நாளான நாளை காலை, 7:00 மணிக்கு ஹோமம் நடத்தி, பவித்ர பிரதிஷ்டை மற்றும் திருமஞ்சனம் நடைபெறும். 18ம் தேதி மதியம், 12:00 மணியில் இருந்து, 2:00 மணிக்குள், பவித்ரம், ஊர்வலமாக கொண்டு செல்லப்பட்டு, உற்சவருக்கு சமர்ப்பிக்கப்படும். 19ம் தேதி, பூர்ணாஹுதி ஹோமம் நடைபெறும். விழாக்களின் ஒரு பகுதியாக, கோயிலின் சம்பங்கி பிரகாரத்தில் காலை 9 மணி முதல் 11 மணி வரை மூன்று நாட்கள் ஸ்னப ண திருமஞ்சனம் நடத்தப்படுகிறது. மாலையில், ஸ்ரீதேவி மற்றும் பூதேவி, ஸ்ரீ மலையப்ப சுவாமியுடன், கோயிலின் நான்கு வீதிகளிலும் சிறப்பாக அலங்கரிக்கப்பட்ட அலங்காரங்களுடன் ஊர்வலமாக வந்து பக்தர்களுக்கு தரிசனம் செய்வார்கள். ஆகஸ்ட் 5 ஆம் தேதி பவித்ரல பிரதிஷ்டை, ஆகஸ்ட் 6 ஆம் தேதி பவித்ர சமர்ப்பணம் மற்றும் ஆகஸ்ட் 7ம் தேதி பூர்ணாஹுதி நடைபெறும். பவித்ரோற்சவம் நடைபெறுவதை ஒட்டி, இந்த மூன்று நாட்களிலும், வழக்கமாக நடைபெறும் கல்யாண உற்சவம், ஊஞ்சல் சேவை, பிரம்மோற்சவம், வசந்தோற்சவம் மற்றும் சஹஸ்ர தீபலங்கார சேவைகள் ரத்து செய்யப்பட்டு உள்ளன. மேலும், இந்த மூன்று நாட்களில், ஏழுமலையானுக்கு தோமாலை மற்றும் அர்ச்சனை ஆகியவை தனிமையில் நடைபெறும்; பக்தர்களுக்கு அனுமதி கிடையாது. 15 முதல் 16 ஆம் நூற்றாண்டுகள் வரை திருமலையில் பவித்ரோத்சவங்கள் நடத்தப்பட்டதற்கான சான்றுகள் உள்ளன.