திருக்கோவிலூர், கீழையூர் தேரடி விநாயகர் கோவிலில் 40ம் ஆண்டு சந்தன காப்பு விழா நடந்தது. விழாவின் முதல் நாள் நிகழ்ச்சியாக நேற்று மாலை விநாயகருக்கு மகா அபிஷேகம், காய்கனிகளால் அலங்காரம், மகா தீபாராதனை நடந்தது. விழாவின் முக்கிய நிகழ்ச்சியாக நேற்று காலை 8:00 மணிக்கு அனுக்ஞை, விக்னேஸ்வர பூஜை, கணபதி ஹோமம், மகா அபிஷேகம், சோடசோபோவுபசார தீபாராதனை நடந்தது. மாலை 6:00 மணிக்கு சந்தன காப்பு அலங்காரம், தீபாராதனை, நாதஸ்வர தவில் இன்னிசை கச்சேரி, தொடர்ந்து உற்சவர் விநாயகர் வீதி உலா நடந்தது. விழாவிற்கான ஏற்பாடுகளை தேரடி விநாயகர் இளைஞர் குழுவினர் செய்திருந்தனர். இதில் ஏராளமான பக்தர்கள் கலந்து கொண்டனர்.

« முந்தைய

அடுத்து »