சிறு நன்மையையும் மகிழ்வுடன் ஏற்கிற சிம்மராசி அன்பர்களே!

இந்த மாதம், உங்கள் ராசிக்கு மூன்றாம் இடத்தில் உள்ள சனி, ராகு, ஒன்பதாம் இடத்தில் ஐந்து கிரக சேர்க்கையில் உள்ள சுக்கிரன் மட்டுமே அளப்பரிய நற்பலன்களை வழங்குகின்றனர். மற்ற கிரகங்களின் அமர்வு வழக்கத்திற்கு மாறாக சில தொந்தரவுகளைத் தரும். நம்பிக்கையுடன் செயல்பட்டு நடைமுறை வாழ்வை பாதுகாத்திடுவீர்கள்.  தம்பி, தங்கை உங்களின் அன்பு நிறைந்த வார்த்தைகளை மதித்து நடந்து கொள்வர். வீடு, வாகனத்தில் நம்பகக்குறைவானவர்களுக்கு இடம் தர வேண்டாம்.தாய்வழி உறவினர்களிடம் இருந்த கருத்து வேறுபாடு சரியாகி நல் அன்பு வளரும். புத்திரர்கள் பிடிவாத குணத்துடன் செயல்படுவர். இதமாக வழிநடத்தி அவர்களின் தேவையை இயன்ற அளவில் பூர்த்தி செய்யுங்கள். இஷ்ட தெய்வ வழிபாடு நடத்தி மனதில் ஊக்கம் பெறுவீர்கள். பூர்வ சொத்தில் பணவரவு சுமாரான அளவில் கிடைக்கும். எதிரிக்கு எதிரி நண்பன் என்ற வகையில் சுயலாபம் அடைய உங்களின் உதவியை நாடுவர். அவர்களிடம் விலகுவதால் தேவையற்ற சிரமம் வராமல் தவிர்க்கலாம். உடல்நலம் சீர்பெற தகுந்த மருத்துவ சிகிச்சை பெறுவீர் கள். தம்பதியர் ஒற்றுமை குணத்துடன் நடந்து குடும்பத்தில் மகிழ்ச்சியை அதிகரிப்பர். தொழிலதிபர்கள், அபிவிருத்தி பணிகளை கூடுதல் பணவசதி கிடைத்து நிறைவேற்றுவீர்கள். அதிக உற்பத்தியும், கூடுதல் ஒப்பந்தமும் கிடைக்கும்.வியாபாரிகள் தாராள விற்பனை அமைந்து உபரி பணவரவு காண்பர். பணியாளர்கள், புதிய நுணுக்கங்களைப் பயன்படுத்தி பணி இலக்கை நிறைவேற்றுவர். நற்பெயர் சலுகைப்பயன் கிடைக்கும்.குடும்பப் பெண்கள், கணவர் வழி உறவினர்களின் நன்மதிப்பை பெறுகிற வகையில் இரக்க மனதுடன் செயல்படுவர். பணிபுரியும் பெண்கள், கூடுதல் பொறுப்புணர்வுடன் செயல்படுவதால் பணியில் பெறவேண்டிய சலுகை எளிதாக கிடைக்கும். சுயதொழில் புரியும் பெண்கள், சராசரி உற்பத்தி, விற்பனை அளவான பணவரவு பெறுவர்.அரசியல்வாதிகள் மக்கள் நலனில் அக்கறை கொள்வது நன்மை தரும்.  விவசாயிகளுக்கு சராசரி மகசூல் கால்நடை வளர்ப்பில் ஓரளவு லாபம் கிடைக்கும். மாணவர்கள், கடும் முயற்சி மற்றும் பயிற்சினால் மட்டுமே எதிர்பார்த்த தேர்ச்சி பெற இயலும்.

பரிகாரம்: தட்சிணாமூர்த்தியை வழிபடுவதால் செயல்பாடுகளில் வெற்றி கிடைக்கும்.
உஷார் நாள்: 5.5.13 இரவு 10.21- 7.5.13 இரவு 5.29.
வெற்றி நாள்: ஏப்ரல்-25,26
நிறம்: நீலம், ஆரஞ்சு எண்: 1,8