ஆர்.கே.பேட்டை : சித்திரை பிரம்மோற்சவத்தின், இரண்டாம் நாள் உற்சவத்தில், சுவாமி பூத வாகனத்தில் எழுந்தருளினார். பெரிய நாகபூண்டி நாகவள்ளி உடனுறை நாகேஸ்வரர் கோவில் சித்திரை பிரம்மோற்சவம், கடந்த சனிக்கிழமை கொடியேற்றத்துடன் துவங்கியது.நேற்று முன்தினம், இரண்டாம் நாள் உற்சவத்தில், காலை, 10:00 மணிக்கு கேடய உலா உற்சவம் நடந்தது. தொடர்ந்து, உற்சவர் நாகேஸ்வர சுவாமி, பூத வாகனத்தில் வீதியுலா வந்தார்.இன்று ரிஷப வாகனத்திலும், நாளை மறுதினம், திருத்தேரிலும் சுவாமி எழுந்தருளி, பக்தர்களுக்கு அருள்பாலிக்கிறார்.