தியாகதுருகம்: தியாகதுருகம் சீனுவாச பெருமாள் கோவிலில் புரட்டாசி முதல் சனிக்கிழமையை முன்னிட்டு சிறப்பு பூஜைகள் நடந்தது. தியாகதுருகம்  அரசு மேல்நிலைப்பள்ளி அருகில் உள்ள ஸ்ரீதேவி, பூதேவி சமேத சீனுவாச பெருமாள் கோவிலில் புரட்டாசி முதல் சனிக்கிழமையை முன்னிட்டு, மூலவருக்கு அபிஷேக ஆராதனைகள் நடந்தது. சிறப்பு அலங்காரத்தில் பெருமாள் அருள் பாலித்தார். சேவை, சாற்று முறை செய்து  விஷ்ணு சகஸ்ரநாம அர்ச்சனைகள் செய்விக்கப்பட்டது.  திரளான பக்தர்கள் கலந்து கொண்டு வழிபாடு நடத்தினர். பூஜைகளை  வினோத்  பட்டாச்சாரியார் செய்தார். சமுதாய பராமரிப்பு கமிட்டி தலைவர் கிருஷ்ணமூர்த்தி பிள்ளை தலைமையில் பூஜை ஏற்பாடுகள் செய்யப்பட்டிருந்தது.