நட்புடன் பழகி மகிழும் மேஷ ராசி அன்பர்களே!

இந்த மாதம் ராகு 6ல் நின்று நன்மை தந்து கொண்டிருக்கிறார். சுக்கிரன் மே 31ல் மிதுனத்தில் இருந்து கடகத்திற்கு இடம் மாறினாலும் மாதம் முழுவதும் நற்பலன் அளிப்பார். ரிஷபத்தில் இருக்கும் சூரியன்,செவ்வாய் மற்றும் 12ல் இருக்கும் கேது ஆகியோரால் ஓரளவே நன்மை உண்டாகும். சனி பகவான் ஜூன் 12 முதல் வக்கிரம் அடைந்து துலாம் ராசிக்கு வருகிறார். இதனால் அலைச்சல் அதிகரிக்கும். அடிக்கடி வெளியூரில் தங்க நேரிடும். அரசு வகையில் எதிர்பார்த்த விஷயம் தாமதமாக நடக்கும். மாத பிற்பகுதியில் சுக்கிரனால் சமூக மதிப்பு கூடும். உறவினர்களிடம் இணக்கம் உருவாகும். நண்பர்களின் உதவி தேவையான சமயத்தில் கிடைக்கும்.குடும்பத்தில் மகிழ்ச்சிக்கு குறைவிருக்காது. புதுமணத் தம்பதியருக்கு குழந்தை பாக்கியம் கிடைக்கும். வீட்டுக்கு தேவையான அனைத்து வசதிகளும் கிடைக்கப் பெறுவீர்கள். பெண்களால் நன்மை கிடைக்கும்.

தொழில், வியாபாரத்தில் நல்ல வளர்ச்சி உண்டாகும். புதனால் அவப்பெயர் வரலாம். உங்கள் செல்வாக்குக்கு பாதிப்பு ஏற்படலாம். சற்று ஒதுங்கி இருக்கவும். அவர் மே 24ல் வக்கிரம் அடைந்து உங்கள் ராசிக்கு வருகிறார். இதுவும் சிறப்பான நிலை என்று சொல்ல முடியாது.  கலைஞர்களுக்கு எதிர்பார்த்த புகழ் கிடைக்கும். நல்ல வருமானமும் காண்பர்.

அரசியல்வாதிகள் தொண்டர் மத்தியில் மதிப்புடன் இருப்பர்.

மாணவர்கள் நண்பர்களுடன் பொழுதுபோக்கி மகிழ்வர்.

விவசாயிகள் மஞ்சள், கேழ்வரகு, சோளம் காய்கறி, பழவகைகள் போன்றவை மூலம் நல்ல வருமானம் காணலாம். வழக்கு விவகாரத்தில் மெத்தனம் வேண்டாம்.

பெண்கள் மகிழ்ச்சியுடன் காணப்படுவர்.  

நல்ல நாள்: மே 16, 17, 20, 21, 22, 30, 31 ஜூன்1, 6, 7, 8, 9, 12, 13, 14

கவன நாள்: ஜூன் 2, 3  சந்திராஷ்டமம்

அதிர்ஷ்ட எண்: 5, 7    நிறம்: நீலம்,   வெள்ளை

பரிகாரம்:  நாக தேவதையை வணங்கி வாருங்கள். காலையில் சூரியனை தரிசனம் செய்யுங்கள்.செவ்வாய்க் கிழமை முருகனை வழிபடுவது அவசியம்.