சிறந்த நண்பர் கடவுள் மட்டுமே. நம்மை எப்போது அடிக்க வேண்டும், எப்போது அணைக்க வேண்டும் என்பதை அவர் மட்டுமே நன்கு அறிவார்.
* கடவுளின் அருளாட்சியில் தீமை என்பதே கிடையாது. நலமோ அல்லது நலம் உண்டாக்கும் முயற்சியோ தான் எங்கும் நடந்து
கொண்டிருக்கிறது.
* காலணி ஏதும் இல்லாமல் மிகக் கடினமான முள் பாதையிலும் நடந்து செல்லும் சக்தி, அன்பு என்னும் பாதத்திற்கு
மட்டுமே இருக்கிறது.
* சோர்வு உங்களை சோர்வடைய செய்து விடக் கூடாது. அதிலிருந்து விலகி, அதன் காரணத்தை கண்டறியுங்கள். அதை போக்கும் முயற்சியில் இறங்குங்கள்.
* நேர்மை உங்களிடம் இருக்கும் வரை, செல்லும் வழியெல்லாம் கடவுள் துணைக்கு வருவதை கண்கூடாகக் காண்பீர்கள்.
* பிறர் நலம் பேணும் எண்ணம் மனதில் உண்டாகும் போது,
தன்னலத்தின் வானளாவிய வடிவமாக (விஸ்வ ரூபம்) நீங்கள் மாறுவதை உணர முடியும்.
* மனிதர்களை நேசித்து அவர்களுக்குத் தொண்டு செய். ஆனால், அவர்களின் பாராட்டுக்கு ஆசைப்படாமல் கவனமாக இரு.
* நல்ல லட்சியங்களுக்காக நாம் வாழ வேண்டும்.
நற்பணிகளில் எப்போதும் ஈடுபட வேண்டும். இதற்காகவே மனித உடல் வழங்கப்பட்டு இருக்கிறது.
* எவரையாவது ஏளனம் செய்ய தோன்றினால், உங்களின் உள்ளத்தை உற்று நோக்குங்கள். மடமை குணம் உங்களிடமும் இருப்பதை கண்டு சிரிக்க நேரிடும்.
* பிடிக்காத ஒரு விஷயத்தை கேட்க நேர்ந்தாலும்,
பொறுமையுடன் கேளுங்கள். ஆராய்ந்து பார்த்து அதிலுள்ள
உண்மையை கண்டு பிடியுங்கள்.
* கடவுளின் கண்ணுக்கு அற்பமானது என்று எதுவும் கிடையாது. அதுபோல உங்களின் கண்ணுக்கும் அற்பமானது என்று எதுவும் இருக்க வேண்டாம்.
* வாழ்க்கைப் பயணத்தில் நீங்கள் எடுத்து வைக்கும் ஒவ்வொரு அடியும் கடவுளின் நினைவோடு இருக்க வேண்டும். இரவு உறங்குவதும், காலையில் எழுவதும் நீங்கள் அளிக்கும் காணிக்கையாக இருக்கட்டும்.
* உத்தம செயல்களை செய்ய விரும்பினால், அதை
உடனடியாகச் செய்வதே சிறந்தது.பிறருக்கு சேவை செய்யும் பொதுநலத்துடன் வாழ்வதே உயர்ந்த வாழ்வாகும்.
* இன்பம் தரும் கற்பனைகளை விட்டு ஒழித்து கண்களை திறந்து பாருங்கள். உலகையும், உலகைப் படைத்த கடவுளையும் உள்ளபடி உணர முற்படுங்கள்.
* பகைவர்கள் யாரும் நமக்கு வெளியில் இல்லை. சுயநலம், கோழைத்தனம், பயம் போன்ற தீய எண்ணங்களே உள்ளத்தில் இருந்து நம்மை ஆட்டுவிக்கின்றன.