திருத்தணி, சதாசிவலிங்கேஸ்வரர் கோவிலில், 19ம் தேதி, சனிப் பெயர்ச்சி விழா நடைபெறுகிறது. திருத்தணி, பழைய தர்மராஜா கோவில் தெருவில் உள்ள சதாசிவலிங்கேஸ்வரர் கோவிலில், யோக சனீஸ்வர பகவான் தனி சன்னதி உள்ளது. இந்த சன்னதியில், 19ம் தேதி, சனிப் பெயர்ச்சி விழா நடைபெறுகிறது. சனீஸ்வர பகவான், விருச்சிக ராசியில் இருந்து, தனுசு ராசிக்கு, 19ல் பிரவேசிக்கிறார். இதையொட்டி, அன்று கோவில் வளாகத்தில் ஒரு யாகசாலை அமைத்து, காலை, 7:00 மணிக்கு கணபதி ஹோமம், கலச ஸ்தாபனம், நவகிரக ஹோமம், கோ பூஜை மற்றும் தீபாராதனை நடக்கிறது. காலை, 9:00 மணிக்கு, சனீஸ்வர பகவானுக்கு நல்லெண்ணெய் அபிஷேகம், மகா அபிஷேகம், அலங்காரம் மற்றும் தீபாராதனை நடை பெறுகிறது. தொடர்ந்து, பரிகார பூஜைகள் நடக்கின்றன.