சின்னாளப்பட்டி: சின்னாளப்பட்டி மேட்டுப்பட்டியில் அமைந்துள்ள அஞ்சலி வரத ஆஞ்சநேயர் கோயிலில், வரும் 17ம் தேதி அனுமத் ஜெயந்தி விழாவை  முன்னிட்டு, ஆஞ்சநேயருக்கு  500 லிட்டர் பாலபிஷேகம் நடக்கிறது.

வைகை நதியே தென்பாகமே அமைத்து வளம் கொழிக்கும் திண்டுக்கல் மாவட்டம், சின்னாளப்பட்டி மேட்டுப்பட்டியில் அமைந்து அருள்தரும் அஞ்சலி வரத  ஆஞ்சநேயர் சுவாமி மிகவும் சக்தி வாய்ந்தவர். இக்கோயிலில் 17.12.2017 காலை 8 மணிமுதல் பஞ்ச சூக்த ஹோமம், மஹா சுதர்சன ஹோமம், அனுத் சகஸ்ர நாம  ஹோமம், 10 மணியளவில் மஹா பூர்ணாஹுதி சிறப்பாக நடைபெறும். தொடர்ந்து காலை 10.30 மணியளவில் மிக பிரம்மாண்டமாக 500 லிட்டர் பால் அபி÷ ஷகம், 108 இளநீர் அபிஷேகம் மற்றும் 16 வகையான திரவியங்களுடன் அபிஷேகமும் அதை தொடர்ந்து ஏழுவகையான வர்னாபிஷேகமும் நவ கலச கும்ப அ பிஷேகமும் நடக்க இருக்கிறது. விழாவில் சுவாமி தங்க கவசத்தில் ராஜ அலங்காரத்தில் பக்தர்களுக்கு அருள்பாலிக்க இருக்கிறார்.

அன்று இரவு  8 மணியளவில் அதி அற்புதமான புஷ்பாஞ்சலி வைபவம் நடைபெறும். 7 வகையான உதிரி புஷ்பங்களால் அபிஷேகம் நடைபெறுகிறது. மறுநாள்  18.12.2017ல் 1008 ஜிலேபி மாலையுடன் வஜ்ர அங்கி கவச சேவையுடன் சிறப்பு அலங்காரம் நடைபெறவுள்ளது. விழாவிற்கான ஏற்பாடுகளை சுந்தர்ராஜ  பட்டாச்சாரியார் மற்றும் பொதுமக்களும் செய்து வருகின்றனர்.