பழநி: பழநி தைப்பூச திருவிழாவில் முக்கிய நிகழ்ச்சியான தெப்ப உற்சவம், நாளை (பிப்., 10) நடக்கிறது. பழநி தண்டாயுதபாணி சுவாமி கோயில் தைப்பூச விழா, பிப்., 1 ல், கொடியேற்றத்துடன் துவங்கியது. பிப்., 6 ல், முத்துக்குமார சுவாமி திருக்கல்யாணம், பிப்., 7 ல், தேரோட்டம் நடந்தது. மற்றொரு முக்கிய நிகழ்ச்சியான தெப்ப உற்சவம், நாளை நடக்கிறது. பெரியநாயகி அம்மன் கோயில் தெப்பக்குளத்தில், மாலை 6 முதல் 7.30 மணிக்குள் தெப்பத்தேர் பார்த்தல் நடக்கும். இரவு 11.30 மணிக்கு, கொடியிறக்குதல் நடக்கும். கோயில் இணை ஆணையர் பாஸ்கரன் தலைமையிலான அதிகாரிகள் ஏற்பாடுகளை செய்துள்ளனர்.

பழநி தைப்பூச விழாவின் எட்டாம் நாளான நேற்று, முத்துக்குமாரசுவாமி, தங்கக்குதிரை வாகனத்தில் பக்தர்களுக்கு அருள்பாலித்தார்.