திருப்பரங்குன்றம்: திருப்பரங்குன்றம் சுப்பிரமணிய சுவாமி கோயிலில் தைப்பொங்கலை முன்னிட்டு சுவாமிகளுக்கு மண்பானையுடன் பொங்கல் படைக்கப்பட்டது. தைப்பொங்கலை முன்னிட்டு கோயில் மடப்பள்ளியில் மண்பானையில் பொங்கல் தயாரித்து, அதில் மஞ்சள் கிழங்கு, வாழை இலை, கரும்பு, வைத்து மடப்பள்ளியில் இருந்து, மூலவர்கள் சுப்பிரமணிய சுவாமி, கற்பக விநாயகர், துர்க்கை, சத்தியகிரீஸ்வரர், பவளக்கனிவாய் பெருமாள், கோவர்த்தனாம்பிகை அம்பாள் சன்னதிகளில் பானையுடன் பொங்கல் படைக்கப்பட்டு, பூஜை, தீபாராதனை நடந்தது.

பின்பு உற்ஸவர்கள் சுப்பிரமணி சுவாமி, தெய்வானை முன் படைக்கப்பட்டது. மண்பானையில் பொங்கல் வைத்து பானையுடன் சுவாமிக்கு படைக்கப்படுவது ஆண்டுக்கு ஒரு முறை தைப்பொங்கல் அன்று மட்டுமே. மற்ற நாட்களில் வெண்கல பானையில் வைக்கப்படும்.திருநகர் சித்தி விநாயகர் கோயிலில் மூலவர்கள் விநாயகர், வள்ளி, தெய்வானை சமேத கல்யாண முருகன், ஸ்ரீதேவி, பூமாதேவி சமேத ஸ்ரீநிவாசப் பெருமாளுக்கு வெள்ளி கவசம் சாத்துப்படியாகி பொங்கல் படைத்து பூஜை நடந்தது.