காரைக்கால்: காரைக்கால் கைலாசநாதர் கோவில் பங்குனி உத்திர பிரம்மோற்சவ விழா நேற்று கொடியோற்றத்துடன் துவங்கியது. காரைக்கால், பாரதியார் சாலையில் உள்ள கைலாசநாதர் கோவிலில் பங்குனி உத்திர பிரம்மோற்சவ விழா நேற்று பஞ்சமூர்த்திகளுக்கு அபிஷேக தீபாராதனை முடிந்து ரிஷப கொடி ஏற்றப்பட்டது. தொடர்ந்து விநாயகர், சுப்ரமணியர், கைலாசநாதர், சுந்தராம்பாள், சண்டிகேஸ்வரர், அஸ்திரவேதர் புறப்பாடு நடந்தது. பின் நவசந்தி யாக பூஜை தீபாரதனை நடந்தது.

இன்று 13ம் தேதி மாலை பஞ்சமூர்த்திகள் அபிஷேகம் முடிந்து விநாயகர் மூஷிக வாகனத்திலும், சுப்ரமணியர் மயில் வாகனத்திலும், கைலாசநாதர் சூரிய பிரபை, சுந்தராம்பாள் காமதேனு வாகனத்திலும், சண்டிகேஸ்வர் ரிஷப வாகனத்திலும் வீதி உலா நடக்கிறது. வரும் 20ம் தேதி தேர் திருவிழாவும், 24ம் தேதி தெப்ப திருவிழா நடைபெறுகிறது. இந்நிகழ்ச்சியில் கோவில் அறங்காவலக்குழு் தலைவர் கேசவன், துணைத்தலைவர் ஆறுமுகம், செயலர் பக்கிரிசாமி, பொருளாளர் ரஞ்சன், உறுப்பினர் பிரகாஷ் உள்ளிட்ட பலர் கலந்துகொண்டனர். விழா ஏற்பாடுகளை கோவில் நிர்வாகத்தினர் செய்து வருகின்றனர்.