மயிலம்: மயிலம் முருகன் கோவிலில் பங்குனி உத்திர திருவிழா நேற்று கொடியேற்றத்துடன் துவங்கியது. மயிலம் வள்ளி, தெய்வானை, சுப்பரமணியர் சுவாமி கோவில் கிருத்திகையை முன்னிட்டு நேற்று காலை 5:00 மணிக்கு சுவாமிக்கு சிறப்பு அபிஷேகம் மற்றும் தீபாரதனை நடந்தது.  தொடர்ந்து 5:45 மணிக்கு மயிலம் பொம்மபுர ஆதினம் 20ம் பட்டம் சிவஞான பாலய சுவாமிகள் கொடியேற்றி பங்குனி உத்திர திருவிழாவை துவக்கி வைத்தார்.

11:00 மணிக்கு அலங்கரிக்கப்பட்ட வாகனத்தில் உற்சவர் கிரிவல ஊர்வலம் நடந்தது. மதியம் 12:00 மணிக்கு மூலவர் தங்க கவச அலங்காரத்தில் பக்தர்களுக்கு அருள்பாலித்தார். இரவு விநாயகர் விழா, சூரிய விமானத்தில் உற்சவர் கிரிவலம் நடந்தது. வரும் 20ம் தேதி காலை 5:45 மணிக்கு திருத்தேர் வடம் பிடித்தலும், 21ம் தேதி இரவு 12:00 மணிக்கு தெப்பல் உற்சவமும், 22ம் தேதி இரவு 7:00 மணிக்கு முத்துபல்லக்கும் நடக்கிறது.