திருப்பூர், பெருமாநல்லூர் கொண்டத்து காளியம்மன் கோவில் குண்டம் மற்றும் தேர் திருவிழாவில், பக்தர்கள் குண்டம் இறங்கி நேர்த்திக்கடன் செலுத்தினர்.

திருப்பூர் மாவட்டம் பெருமாநல்லூர் கொண்டத்து காளியம்மன் கோவிலில்  குண்டம் திருவிழா ஆண்டும் தோறும் மிக சிறப்பாக நடந்து வருகிறது. அதன்படி இந்த ஆண்டு குண்டம் திருவிழா இன்று (மார்.,19ல்) நடைபெற்றது. விழாவை முன்னிட்டு, அதிகாலை 4 மணி முதல் பக்தர்கள் குண்டம் இறங்கி நேர்த்திக்கடன் செலுத்திவருகின்றனர். விழாவில் சுற்று வட்டாரத்தை சேர்ந்த லட்சக்கணக்கான பக்தர்கள் கலந்து கொண்டு,  குண்டம் இறங்கி அம்மனை வழிபட்டு வருகின்றனர்.