கிள்ளை:கிள்ளை அருகே சி.முட்லூர் திரவுபதியம்மன் கோவிலில் ஏழாம் நாள் உற்சவமாக திருக்கல்யாண வைபவ நிகழ்ச்சி நடந்தது.கிள்ளை அருகே சி.முட்லூர் திரவுபதியம்மன்
கோவிலில் ஆண்டு தோறும் பங்குனி மாதம் 19 நாட்கள் தொடர் திருவிழா நடைபெறும்.

இந்த ஆண்டு விழாவை முன்னிட்டு கடந்த 22 ம் தேதி காப்புக்கட்டி, கொடி ஏற்றத்துடன் விழா துவங்கியது. தினசரி உபயதார்கள் சுவாமிக்கு அபிஷேக ஆராதனை செய்து வந்தனர்.நேற்று 28 ல், ஏழாம் நாள் உற்சவமாக பகல் 12 மணியில் இருந்து 1.30 மணிக்குள் திரவுபதை திருக்கல்யாண வைபவ நிகழ்ச்சி நடந்தது.

சுற்றுப்பகுதியினர் பங்கேற்று சுவாமி தரிசனம் செய்தனர். பக்தர்களுக்கு அன்னதானம் வழங்கப்பட்டது. மாலை 7.00 மணிக்கு சுவாமி வீதியுலா காட்சியும், இரவு 9.00 மணிக்கு
மகாபாராத உபன்யாச நிகழ்ச்சி நடந்து வருகிறது.