சாயல்குடி:-கன்னிராஜபுரத்தில் உள்ள பத்திரகாளியம்மன், உஜ்ஜயினி காளியம்மன் உள்ளிட்ட பரிவார தெய்வங்களுக்கு கடந்த பிப்.,17 ல் கும்பாபிஷேகம் நடந்தது. 48வது நாள் மண்டல பூஜையை முன்னிட்டு நேற்று (ஏப்., 5ல்) காலை யாகசாலை பூஜை, வேள்விகள் நடந்தது.

மூலவர்களுக்கு 18 வகையான அபிஷேக ஆராதனைகள் செய்யப்பட்டு சந்தனக்காப்பு அலங்காரத்தில் பக்தர்களுக்கு அருள்பாலித்தனர். சுற்றுவட்டார கிராமங்களை சேர்ந்த ஏராளமானோர் சுவாமி தரிசனம் செய்தனர். ஏற்பாடுகளை கோயில் விழாக்குழுவினர் செய்திருந்தனர்.