பழநி : சோமவார பிரதோஷத்தை முன்னிட்டு பழநியில் சிவன்கோயில்களில் அபிஷேகம், பூஜைகள் நடந்தது.

பழநி பெரியாவுடையார் கோயிலில் மாலை பிரதோஷ நேரத்தில் நந்திபகவான், மூலவருக்கு அபிஷேகம், அலங்காரம் நடந்தது. சிவன் - பார்வதி ரிஷபவாகனத்தில் உட்பிரகாரத்தில் வலம் வந்தனர்.இடும்பன் கோயிலில் சிவகிரிநாதர், உமா மகேஸ்வரி யம்மனுக்கு அபிஷேகம், திருவுலா நடந்தது. மலைக்கோயில், பெரியநாயகியம்மன் கோயில், கைலாசநாதர், சன்னதிவீதி மீனாட்சி சுந்தரேஸ்வரர் கோயில், வேளீஸ்வரர்கோயில், மதனபுரம் அண்ணாமலையார், உண்ணாமலைநாயகி கோயில், நேதாஜிநகர் காமாட்சியம்மன் ஏகாம்பரேஸ்வரர் கோயில், புதுநகர் சிவன் கோயில்களிலும் பிரதோஷ வழிபாட்டில் பக்தர்கள் பங்கேற்றனர்.