மதுரை : விநாயகர் சதுர்த்தியை முன்னிட்டு மதுரை மீனாட்சி அம்மன் கோயில் முக்குறுணி விநாயகருக்கு 18 படி பச்சரிசியில் தயாரிக்கப்பட்ட மெகா கொழுக்கட்டை படைக்கப்பட்டது. பச்சரிசியில் வெல்லம், தேங்காய், கடலை, எள், ஏலக்காய், நெய் கலந்து தயாரான கொழுக்கட்டையை சிவாச்சாரியார்கள் மூங்கில் கூடையில் வைத்து மங்கள வாத்தியங்கள் முழங்க எடுத்து வந்தனர். முக்குறுணி விநாயகர் சன்னதியில் வைக்கப்பட்ட கொழுக்கட்டைக்கு பூஜைகள் செய்து சுவாமிக்கு படைக்கப்பட்டு பக்தர்களுக்கு பிரசாதமாக வழங்கப்பட்டது.