உத்திரமேரூர்: உக்கம்பெரும்பாக்கம், நட்சத்திர விருட்ச விநாயகர் கோவிலுக்கு, காஞ்சிபுரம் சங்கரமடம் சார்பில், 1 லட்சம் ருத்ராட்சம் மூலம் உருவாக்கப்பட்ட சிவலிங்கம் நேற்று வழங்கப்பட்டது.

உத்திரமேரூர் அடுத்த, மானாம்பதி - காஞ்சிபுரம் சாலை உக்கம்பெரும்பாக்கத்தில், 27 நட்சத்திர விருட்ச விநாயகர் கோவில் உள்ளது.இக்கோவிலுக்கு, காஞ்சிபுரம் சங்கரமடம் மடாதிபதி சங்கராச்சாரியார் விஜயேந்திர சரஸ்வதி சுவாமிகளின் திருநட்சத்திரமான நேற்று முன்தினம், 1 லட்சம் ருத்ராட்சம் மூலம், உருவாக்கப்பட்ட, 2 அடி உயரமுள்ள ருத்ராட்ச சிவலிங்கமும், 4 சதுர அடி கொண்ட ருத்ராட்ச மண்டபத்தையும், சங்கராச்சாரியார் விஜயேந்திர சரஸ்வதி சுவாமிகள், கோவில் நிர்வாகத்திடம், நேற்று முன்தினம் வழங்கினார்.மேலும், நட்சத்திர விருட்ச விநாயகர் கோவில் ஸ்தல வரலாறு நுாலையும் வெளியிட்டார். அதை முன்னாள் சி.பி.ஐ., இயக்குனர் கார்த்திகேயன் பெற்றுக்கொண்டார்.