சின்னமனுார்: கொரோனா பரவலை தடுக்க ஊரடங்கு அமலில் உள்ளதால் கோயில் விழாக்களுக்கு தடை விதிக்கப்பட்டுள்ளது. இதனால் சின்னமனுார் சிவகாமியம்மன் கோயில் சித்திரை திருவிழா நிகழ்ச்சிகள் ரத்து செய்யப்பட்டன. இதனிடையே கோயிலில் ஆகம விதிப்படி சிவகாமியம்மன்-பூலாநந்தீஸ்வரர் திருக்கல்யாணம் நேற்று காலை 9:05 முதல் 9:30 வரை நடைபெற்றது. பக்தர்கள் பங்கேற்க அனுமதியில்லாததால் அர்ச்சகர் மகாராஜா பட்டர்எளிமையாக திருமணத்தை நடத்தி வைத்தார். ஏற்பாடுகளை அறநிலையத்துறையினர் செய்திருந்தனர்.