பழநி: பழநி மலைக்கோயிலில் உண்டியல் காணிக்கையாக ரூ 2 கோடியே 56 லட்சம் கிடைத்துள்ளது. பழநியில் பங்குனி உத்திரத் திருவிழா நிறைவு பெற்ற நிலையில் மலைக்கோயிலில் நேற்று (மார்ச் 24ல்) உண்டியல் எண்ணிக்கை நடைபெற்றது. இதில் காணிக்கையாக 808 கிராம் தங்கமும், 10 ஆயிரத்து 23 கிராம் வெள்ளியும் கிடைத்தது. மேலும் ரூ. 2 கோடியே 56 லட்சத்து 44 ஆயிரத்து 910, மற்றும் 128 வெளிநாட்டு கரன்சிகள் காணிக்கையாக கிடைத்துள்ளது. உண்டியல் எண்ணிக்கையில் இணை ஆணையர் நடராஜன், உதவி ஆணையர் செந்தில்குமார், மதுரை துணை ஆணையர் பொன் சுவாமிநாதம் உட்பட அலுவலர்கள், பணியாளர்கள், ஊழியர்கள், கல்லூரி மாணவ, மாணவிகள், ஆசிரியர்கள் உட்பட பலர் கலந்து கொண்டனர்.