காரைக்கால்: காரைக்கால் திருப்பட்டினம் ஸ்ரீவீழிவரதராஜ பெருமாள் கோவிலில் சித்திரா பெளர்ணமியையொட்டி சிறப்பு அலங்கரத்தில் பெருமாள் காட்சி அளித்தார்.

காரைக்கால் மாவட்டத்தில் சித்திரா பெளர்ணமியை முன்னிட்டு பல்வேறு முக்கிய கோவிலில்கள் சிறப்பு பூஜைகள் நடைபெற்றது.இதில் மாரியம்மன்,காளியம்மன் கோவில்களில் பால்குடம் எடுத்து பக்தர்கள் தங்கள் வேண்டுதலை நிறைவேற்றினர்.இந்நிலையில் நேற்று முன்தினம் திருமலைராஜன் பட்டினம் ஸ்ரீ வீழி வரதராஜ பெருமாள் கோவிலில் சித்திரா பௌர்ணமியை முன்னிட்டு ஸ்ரீவீழி வரதராஜ பெருமாள் அரிய மலர்கள் சூடி திவ்ய திருவாபரணங்கள் அணிந்து பக்தர்களுக்கு சிறப்பு காட்சி அளித்தார்.பின்னர் பெருமாள் வீதியுலா நடைபெற்றது.இதில் ஏராளமாக பக்தர்கள் கலந்துகொண்டு பெருமாளை தரிசனம் செய்தனர்.