காஞ்சிபுரம்: காஞ்சிபுரம் வைகுண்ட பெருமாள் கோவிலில் வரும் 26ல் கொடியேற்றத்துடன் பிரம்மோற்சவம் துவங்குகிறது. குமரகோட்டம் சுப்பிரமணியசுவாமி கோவிலில் வைகாசி விசாகப்பெருவிழா ஜூன் 3ல் கொடியேற்றத்துடன் துவங்கிறது. உற்சவத்தையொட்டி இரு கோவில்களிலும் பந்தக்கால் முகூர்த்த நடந்தது.

ஆன்மிக நகரமான காஞ்சிபுரத்தில் பிரசித்திப்பெற்ற பல கோவில்கள் உள்ளன. கடந்த, 2020, 21ல் கொரோனா ஊரடங்கு அமலில் இருந்ததால், கடந்த இரு ஆண்டுகளாக பல கோவில்களில் பிரம்மோற்சவம் நடைபெறவில்லை. நடப்பாண்டு கொரோனா தொற்று குறைந்து ஊரடங்கு தளர்வுகள் முற்றிலும் விலக்கி கொள்ளப்பட்டுள்ளதால், காஞ்சியில் உள்ள பிரபல கோவில்களில் பிரம்மோற்சவம் நடத்தப்பட்டு வருகிறது. அதன்படி, வரதராஜ பெருமாள் கோவில் வைகாசி பிரம்மோற்சவம் நடந்து வருகிறது. இந்நிலையில், காஞ்சிபுரம் வைகுண்டப்பெருமாள் கோவிலில் பிரம்மோற்சவம் வரும் 26ல் கொடியேற்றத்துடன் துவங்குகிறது. அதேபோல  குமரகோட்டம், சுப்பிரமணியசுவாமி கோவில் வைகாசி விசாகப்பெருவிழா வரும் ஜூன் 3ல் துவங்குகிறது. இதையொட்டி இரு கோவில்களிலும் இன்று பந்தக்கால் உற்சவம் நடந்தது. காலை, 9:30 மணிக்கு மேளதாளம் ஒலிக்க, சிவாச்சாரியார்கள் மந்திரங்கள் ஓத பந்தக்காலுக்கு சிறப்பு அபிேஷகம் செய்யப்பட்டு பந்தக்கால் முகூர்த்தம் நடந்தது. இதையொட்டி இரு கோவில்களிலும் சுவாமிக்கு சிறப்பு அபிேஷக அலங்காரம் மற்றும் மஹாதீப ஆராதனை நடந்தது.

குமரகோட்டம் வைகாசி விசாப்பெருவிழா விபரம்:

ஜூன் 3  கொடியேற்றம்  ஆடு வாகனம்
ஜூன்4   சூரியப்பிரபை  அன்ன வாகனம்
ஜூன்5  தேவேந்திர மயில் வாகனம்  கேடயம் மங்களகிரி
ஜூன் 6  கேடயம் மங்களகிரி  யானை வாகனம்
ஜூன் 7  பல்லக்கு   சந்திரப்பிரபை
ஜூன் 8  கண்ணாடி விமானம்  கேடயம் மங்களகிரி
ஜூன் 9  திருத்தேர் (சுப்பிரமணியர்)   –
ஜூன்10  மான் வாகனம்  குதிரை வாகனம்
ஜூன் 11 பல்லக்கு   மாவடி சேவை
ஜூன் 12 திருத்தேர் (சண்முகப்பெருமான்)  –
ஜூன் 13 வள்ளி திருக்கல்யாணம்  சூரன் மயில் வாகனம்
ஜூன் 14 கேடயம் மங்களகிரி  கேடயம் மங்களகிரி

வைகுண்ட பெருமாள் கோவில் பிரம்மோற்சவம் விபரம்

மே 26 கொடியேற்றம்  சிம்ஹ வாகனம்
மே 27 ஹம்ஸ வாகனம் சூரிய பிரபை
மே 28 கருடசேவை  ஹனுமந்த வாகனம்
மே 29 சேஷ வாகனம்  சந்திர பிரபை
மே 30 மோகினி அவதாரம் யாளி வாகனம்
மே 31 சப்பரம்    யானை வாகனம்
ஜூன்1 எடுப்பு தேர்   –
ஜூன்2 பல்லக்கு   குதிரை வாகனம்
ஜூன்3 தீர்த்தவாரி   புண்ணியேகோட்டி விமானம்.