சபரிமலை: 2023-ல் சபரிமலை நடை 141 நாட்கள் திறக்கப்படுகிறது. இதற்கான அட்டவணையை திருவிதாங்கூர் தேவசம்போர்டு வெளியிட்டுள்ளது.

சபரிமலை ஐயப்பன் கோயிலில் மண்டலகால பூஜை, மகர விளக்கு, சித்திரை விஷூ, ஓணம், பிரதிஷ்டை தினம், சித்திரை திருநாள் மன்னர் பிறந்த நாள், அனைத்து மலையாள மாதங்களின் கடைசி நாள் திறக்கப்படும். அதன்படி 2023-ல் 141 நாட்கள் நடை திறந்திருக்கும் என்று தேவசம்போர்டு அறிவித்துள்ளது. ஜன., 23-ல் ஒன்றாம் தேதி முதல் 20 வரை நடை திறந்திருக்கும். மகரஜோதி தரிசனம் 14-ம் தேதி நடைபெறும். மாசி பூஜை பிப்.,12-17. பங்குனி பூஜை மார்ச் 14-19. பங்குனி உத்திர திருவிழா மார்ச் 26- ஏப்., ஐந்தாம் தேதி வரை நடைபெறும். பங்குனி உத்திர திருவிழாவில் மார்ச் 27-ல் கொடியேற்றம், ஏப்., ஐந்தாம் தேதி ஆராட்டும் நடைபெறும். ஏப்.,11 முதல் 19 வரை சித்திரை மாத பூஜை மற்றும் சித்திரை விஷூ விழா நடைபெறும். வைகாசி பூஜை மே-14-19, பிரதிஷ்டை தினம் 29-30. ஆனி பூஜை ஜூன் 15-20, ஆடி பூஜை ஜூலை 16-21, ஆவணி பூஜை ஆக.,16-21, ஓணபூஜை 27-31. புரட்டாசி பூஜை செப்., 17-22, ஐப்பசி பூஜை அக்.,17-22, சித்திரை ஆட்ட திருநாள் பூஜை நவ.,10-11, மண்டலகால பூஜை நவ.,16 முதல் டிச.,27 வரை. மண்டலபூஜை டிச.,27. 2024-ம் ஆண்டுக்கான மகரஜோதி தரிசனம் ஜன., 15-ல் நடைபெறும்.