மேட்டுப்பாளையம்: காரமடை அரங்கநாதர் கோவிலில் நேற்று கைசிக ஏகாதசி வைபவம் நடந்தது. கோவை மாவட்டத்தில் உள்ள வைணவ ஸ்தலங்களில், மிகவும் பிரசித்தி பெற்றது, காரமடை அரங்கநாதர் கோவில். இங்கு ஒவ்வொரு மாதமும் ஏகாதசி வைபவம் நடைபெற்று வருகிறது. ஒரு ஆண்டில் வரும், 25 ஏகாதசிகளில், கார்த்திகை மாதத்தில் வளர்பிறை கைசிக ஏகாதசி வைபவம் மிகச் சிறந்ததாகும். நேற்று கைசிக ஏகாதசியை முன்னிட்டு, கோவில் நடை திறந்து , மூலவருக்கு சிறப்பு திருமஞ்சனம், கால சந்தி பூஜை செய்யப்பட்டது. தொடர்ந்து ஸ்ரீதேவி, பூதேவி சமேதராக அரங்கநாத பெருமாள், சிறப்பு அலங்காரத்தில் எழுந்தருளி பக்தர்களுக்கு அருள் பாலித்தார். பின்பு வெள்ளி சக்கரத்தில் வெண்குட்டை சூழ மேள வாத்தியங்கள் முழங்க, அரங்கநாதர் பெருமாள் கோவில் உள்ளே வலம் வந்தார். இந்நிகழ்ச்சியில் ஸ்தளத்தார் அர்ச்சகர்கள் பக்தர்கள் ஏராளமானவர்கள் பங்கேற்றனர். பிள்றகு பக்தர்களுக்கு தீர்த்த பிரசாதம் வழங்கப்பட்டது.