கோவை : காரமடை அரங்கநாத சுவாமி கோவிலில் மாசி மாத கிருஷ்ணபக்ஷ ஏகாதசி வைபவம் நடந்தது.

கோவை மாவட்டத்தில் வைணவ தளங்களில் பிரசித்தி பெற்ற காரமடை அரங்கநாத சுவாமி கோவிலில் மாசி மாத கிருஷ்ணபக்ஷ ஏகாதசி அதிகாலை மூலவருக்கு சிறப்பு திருமஞ்சனம் தொடர்ந்து கால சந்தி பூஜை புண்யாவஜனம் விஸ்வக் சேனர், லட்சுமி நாராயணர் ஆவாஹனம், நவ கலச பூஜை ஸ்ரீதேவி பூதேவி சமேத ரங்கநாதர் உற்சவமூர்த்தி களுக்கு ஸ்தபன திருமஞ்சனம் முடிந்து ரங்கநாதர் மட்டும் வெண் பட்டு குடை சூழ திருக்கோவில் வலம் வந்து ஆஸ்தானம் அடைந்தார். இதைத்தொடர்ந்து உச்சி கால பூஜை சாற்று முறை சேவிக்கப்பட்டது. இந்த வைபவத்தில் ஸ்தலத்தார்கள் அர்ச்சகர்கள் மிராசுதாரர்கள் செயல் அலுவலர் மற்றும் ஏராளமான பக்தர்கள் கலந்து கொண்டனர். உபயதாரரால் வழங்கப்பட்ட புதிய வெள்ளி கவசம் அணிந்து ஸ்ரீதேவி பூதேவி சமேத ரங்கநாதர் வலம் வந்தார் என்பது குறிப்பிடத்தக்கது.