காரைக்கால், : உலக நன்மை வேண்டி திருவாரூர் பூந்தோட்டம் அகஸ்தீஸ்வரர் கோவில் ராசி மண்டல குரு பகவானுக்கு மகா யாகம் மற்றும் சிறப்பு பூஜைகள் நடந்தது.

திருவாரூர் மாவட்டம் பூந்தோட்டம் அகஸ்தீஸ்வரர் கோவிலில் குரு பகவான் ராசி மண்டல குருவாக அருள்பாலித்து வருகிறார். இங்கு தெற்கு முகம் நோக்கி 12 ராசியில் நந்தியோடு அமர்ந்த கோலத்தில் ராசி மண்டல குரு தட்சணாமூர்த்தியாக அருள் பாலித்து வருகிறார். குரு பெயர்ச்சியையொட்டி உலக நன்மை வேண்டி இக்கோவிலில் நேற்று காலை 8 மணி முதல் 11 மணிவரை மகா யாகம் நடந்தது. இதில் அஸ்வதி நட்சத்திரம் முதல் ரேவதி நட்சத்திரம் வரை உள்ள 27 நட்சத்திரத்தில் பிறந்தவர்களும் நன்மை பெற வேண்டி பிரார்த்திக்கப்பட்டது. மகா பூர்ணாஹூதி, தீபாராதனையை தொடர்ந்து குரு பகவானுக்கு 30 திரவியங்களால் சிறப்பு அபிேஷகம் செய்து மகா தீபாராதனை நடந்தது. யாகத்தை அகில இந்திய ஆதி சைவ சிவாச்சாரியர் சேவா சங்கம் மூலம் ராஜாசுவாமிநாத சிவாச்சாரியர் தலைமையில் சர்வ சாதகத்தில் கோவில் குருக்கள் பிரம்மஸ்ரீ ராஜா மற்றும் பிரம்மஸ்ரீ குமார் குருக்கள் செய்திருந்தனர்.