திருக்கோவிலூர்: திருக்கோவிலூர் தியாகி வடிவேல் நகரில் அமைந்துள்ள சீரடி குபேர சாய்பாபா கோவில் இரண்டாம் ஆண்டு துவக்க விழா நடந்தது.

திருக்கோவிலூர் தியாகி வடிவேல் நகரில், புதிதாக கட்டப்பட்ட சீரடி குபேர சாய்பாபா ஆலயத்தின் இரண்டாம் ஆண்டு துவக்க விழா நடந்தது. காலை 8:00 மணிக்கு கோமாதா பூஜையுடன் விழா தொடங்கியது. தொடர்ந்து கலச ஸ்தாபனம், யாகசாலை பூஜைகள், மூலவருக்கு பக்தர்களால் அபிஷேகம், ஆரத்தி பூஜை நடந்தது. தொடர்ந்து மகா தீபாராதனை, மதியம் 1:30 மணிக்கு பக்தர்களுக்கு அன்னதானம் வழங்கப்பட்டது. இரவு 8:00 மணிக்கு ஆரத்தி பூஜை, 9:00 மணிக்கு சுவாமி சிறப்பு அலங்காரத்தில் வீதி உலா நடந்தது. விழாவிற்கான ஏற்பாடுகள் ஆலய நிர்வாகி சுப்பு மற்றும் பக்தர்கள் செய்திருந்தனர்.