திருநெல்வேலி: பாளை ராஜகோபாலசுவாமி கோயில் வருஷாபிஷேகத்தை முன்னிட்டு இரட்டை கருடசேவை வைபவம் நடந்தது.

பாளை ராஜகோபாலசுவாமி கோயில் வருஷாபிஷேகத்தை முன்னிட்டு நேற்று காலை பஞ்சசூக்தஹோமம், சுதர்சன ஹோமம், சிறப்பு திருமஞ்சனம் நடந்தது. இரவு அழகிய மன்னார், ராஜகோபாலசுவாமி, கருட வாகனத்திலும், ஸ்ரீதேவி தாயார் அன்னவாகனத்திலும், பூதேவி தாயார் கஜலட்சுமி வாகனத்திலும், கிருஷ்ண பகவான் தோளுக்கினியான் வாகனத்திலும் வீதி உலா நடந்தது. முன்னதாக கோயில் கலையரங்கில் நிருத்தியாஞ்சலி நாட்டியாலயா சிவகாமி மதுசெல்வன் குழுவினரின் நாட்டிய நிகழ்ச்சி நடந்தது. பாளை மற்றும் சுற்றுப்பகுதியை சேர்ந்த ஏராளமான பக்தர்கள் கலந்து கொண்டனர். ஏற்பாடுகளை வேதநாராயணன் அழகியமன்னார், ராஜகோபாலசுவாமி கோயில் நித்யஆராதன கைங்கர்ய சபாவினர் செய்திருந்தனர்.