காளஹஸ்தி: திருப்பதி மாவட்டம் ஸ்ரீகாளஹஸ்தி சிவன் கோயிலுக்கு நாட்டின் பல்வேறு பகுதிகளில் இருந்து தினந்தோறும் ஏராளமான பக்தர்கள்  சாமி தரிசனம் செய்ய வருகின்றனர்.அவ்வாறு  கோயிலுக்கு வருபவர்களில் சாதாரண பக்தர்கள் உட்பட நாட்டின் பிரபலங்களும், திரைப்பட துறையினரும், அரசியல் பிரமுகர்களும் சாமி தரிசனம் செய்வதோடு கோயிலில் நடக்கும் ராகு கேது பூஜையில் ஈடுபடுவது வழக்கமாக இருந்து வரும் நிலையில் நேற்று பாஜக ராஜசபா உறுப்பினர் வி. லட்சுமண் குடும்பத்தாரோடு ஸ்ரீ காளஹஸ்தி சிவன் கோயிலுக்கு சாமி தரிசனம் செய்ய  வந்தவர்களை கோயில் அதிகாரிகள் மற்றும் ஸ்ரீ காளஹஸ்தி பாஜக நிர்வாகிகள் சிறப்பு வரவேற்பு ஏற்பாடு செய்ததோடு சிறப்பு தரிசன ஏற்பாடுகளையும் செய்தனர். கோவிலுக்குள் சென்றவர்கள் முன்னதாக சிறப்பு ராகு கேது சர்ப்ப தோஷ நிவாரண பூஜையில் ஈடுபட்டனர். தொடர்ந்து ஸ்ரீ காளஹஸ்தீஸ்வரரையும் ஞானப்பிரசுனாம்பிகை  தாயாரையும் சாமி தரிசனம் செய்தவர்களுக்கு கோயில் வளாகத்தில் உள்ள தக்ஷிணாமூர்த்தி சன்னதி அருகில் பொன்னாடை போர்த்தி கௌரவித்ததோடு சாமி அம்மையார்களின் தீர்த்த பிரசாதங்களையும் கோயில் சாமி  உருவப்படத்தையும் வழங்கிய கோயில் வேதப் பண்டிதர்கள் சிறப்பு ஆசிர்வாதம் செய்தனர்.