ஐப்பசி ராசி பலன் (17.10.2012- 15.11.2012): வேகமும் விவேகமும் கொண்ட மேஷராசி அன்பர்களே!

உங்கள் ராசிநாதன் செவ்வாய், ராசிக்கு எட்டாம் இடத்தில் ஆட்சிபலத்துடன் மாறுபட்ட பலன் தரும் வகையில் உள்ளார். இந்த மாதம் நவக்கிரகங்களில் குரு மட்டுமே நற்பலன் தரும் கிரகமாக இருக்கிறார். வருமானத்தை குடும்பத்தேவையை மட்டும் நிறைவேற்ற பயன்படுத்திக் கொள்வீர்கள். வீடு, வாகனத்தில் கிடைக்கிற வசதியை பயன்படுத்துவது போதுமானதாக இருக்கும். புத்திரர் கவனக்குறைவான செயல்பாடுகளால் மனக்குழப்பம், உடல்நலக்குறைவுக்கு ஆளாவர். உங்களின் வழிகாட்டுதலால் நிலைமை சரியாகும். நிர்ப்பந்த கடன் ஓரளவு அடைபடும். தம்பதியர் ஒருவருக்கொருவர் விட்டுக்கொடுத்து நடந்தால் மட்டுமே குடும்பத்தில் சச்சரவு வளராத நிலை இருக்கும். அலைச்சல் பயணங்களால் உங்கள் உடல்நிலையில் பாதிப்பு ஏற்படலாம் கவனம். தொழிலதிபர்கள் பொருள் உற்பத்தி, தரத்தில் சிறந்த விளங்குவதற்கான முயற்சிகளில் ஈடுபடுவர்.  வியாபாரிகள் விடாமுயற்சியுடன் செயல்பட்டு வெற்றி காண்பர்.  பணியாளர்கள் பணியிட சூழ்நிலைகளை கவனத்தில் கொண்டு பொறுப்புடன் பணிபுரிவது நல்லது. குடும்ப பெண்கள் கணவரின் வருமானத்திற்கேற்ப திட்டமிட்டுச் செயல்படுவது நல்லது. பணிபுரியும் பெண்கள் திறம்பட செயல்பட்டால் மட்டுமே குளறுபடி வராமல் தவிர்க்கலாம். சுயதொழில் புரியும் பெண்கள் கடின உழைப்பால் உற்பத்தி, விற்பனையை சீராக்குவர். அரசியல்வாதிகள் பொது விவகாரங்களில் கலந்து கொள்வதை தவிர்ப்பது அவசியம். விவசாயிகளுக்கு மிதமான லாபம் கிடைக்கும். மாணவர்கள் விடாமுயற்சியுடன் படித்தால் மட்டுமே தேர்ச்சி பெறமுடியும்.

பரிகாரம்: முருகனை வழிபடுவதால் வாழ்வில் சிரமம் குறைந்து நன்மை கூடும்.
உஷார் நாள்: 17.10.12 இரவு 11.10 - 19.10.12 நள்ளிரவு 2.37 மற்றும் 14.11.12 காலை 8.20 - 15.11.12 முழுவதும்.
வெற்றி நாள்: நவம்பர் 3, 4
நிறம்: மஞ்சள், சிமென்ட், எண்: 3, 8.