மிருகசீரிடம் 3,4 ம் பாதம் : தைரிய, வீரிய காரகனான செவ்வாய், வித்யா காரகனான புதனின் அம்சத்தில் பிறந்திருக்கும் உங்களுக்கு இந்த மாதம் யோகமான மாதமாக அமையும். லாபஸ்தானத்தில் சஞ்சரிக்கும் குரு பகவான் உங்களுக்கு எல்லாவிதமான நன்மைகளையும் உண்டாக்குவார். குடும்பத்தில் சுப நிகழ்ச்சிகளை நடத்தி வைப்பார். புதிய தொழில் தொடங்குவதற்கான முயற்சிகள் வெற்றியாகும்.  தொழிலில் இருந்த தடைகள் விலகும். லாபம் அதிகரிக்கும். பொது வாழ்க்கையில் ஈடுபட்டிருப்பவர்களின் செல்வாக்கு உயரும். புதிய பதவி, பொறுப்புகள் வந்து சேரும். உங்கள் புத்தி சாதுரியத்தால் நினைத்ததை சாதித்துக் கொள்வீர்கள். பணியில் உண்டான சங்கடங்கள் விலகும். தொழிலாளர்கள் சங்கடங்கள் விலகும். பாக்கிய சனியால் பொருளாதார நிலை உயரும். பொன், பொருள் சேர்க்கை உண்டாகும். சிலர் புதிய வாகனம் வாங்குவீர்கள். தம்பதிகளுக்குள் உண்டான சங்கடங்கள் விலக ஆரம்பிக்கும். திருமண வயதினருக்கு வரன் தேடி வரும். குழந்தை பாக்கியத்திற்காக காத்திருப்பவர்களுக்கு அதற்குரிய பாக்கியம் உண்டாகும். உங்கள் உழைப்பிற்கு பலன் கூடுதலாகும். வெளிநாட்டு முயற்சிகள் லாபத்தை உண்டாக்கும். பெண்களின் நீண்டநாள் விருப்பங்கள் பூர்த்தியாகும்.  மாணவர்களுக்கு படிப்பில் கவனம் அதிகரிக்கும்.
சந்திராஷ்டமம்: பிப். 8
அதிர்ஷ்ட நாள்: ஜன. 18,23,27. பிப். 5,9.
பரிகாரம்: கந்த சஷ்டி கவசம் படித்து முருகனை வழிபட நன்மை உண்டாகும்.

திருவாதிரை:  அறிவுக்காரகனான புதன், யோகக்காரகனான ராகுவின் அம்சத்தில் பிறந்திருக்கும் உங்களுக்கு இந்த மாதத்தில் செயல்கள் யாவும் வெற்றியாகும். நினைப்பது யாவும் நடந்தேறும். புதிய முயற்சிகளில் லாபம் அதிகரிக்கும். வெளிநாட்டு தொடர்புகளில் இருந்த தடைகள் விலகும். அலைச்சல் அதிகரித்தாலும் அதற்குரிய பலன்கள் உண்டாகும். லாபம் பல வழிகளிலும் வர ஆரம்பிக்கும். சிலருக்கு ரகசிய செயல்களில் ஈடுபாடு உண்டாகும். அதனால் சங்கடங்களை சந்திக்க வேண்டிய நிலையும் ஏற்படும். பணியில் இருப்பவர்களின் பிரச்னைகள் விலக ஆரம்பிக்கும். இருந்தாலும் பணிகளில் கவனம் அவசியம். ஆசைகளுக்கு இடம் கொடுக்காமல் நேர்மையாக செயல்பட்டால் எந்தவிதமான சிக்கல்களும் ஏற்படாமல் போகும். தம்பதியருக்கிடையே பிரச்னைகள் ஏற்பட்டாலும் விரைவில் அது சரியாகி விடும். ஒருவரிடம் ஒருவர் மனம் விட்டுப் பேசுவீர்கள். சிலருக்கு எதிர்பாலினரால் தேவையற்ற அவப்பெயர் உண்டாகும். குடும்பத்தின் மீதான அக்கறை அதிகரிக்கும். பிள்ளைகளின் நலனில் கவனம் செலுத்துவீர்கள். புதிய தொழில் தொடங்குவதற்காக முயற்சித்து வந்தவர்களுக்கு அதற்குரிய வாய்ப்புகள் உருவாகும். சிலருக்கு புதிய சொத்து சேர்க்கை, புதிய வீடு கட்டி அதில்  குடியேறும் நிலை ஏற்படும். கலைத்துறையினருக்கு புதிய ஒப்பந்தங்கள் உண்டாகும். அரசியல்வாதிகள் அமைதியாக செயல்பட்டு நினைத்ததை அடைவீர்கள். செல்வாக்கும் உயரும். விவசாயிகளின் வாழ்வில் புதிய நம்பிக்கை உண்டாகும். பெண்களின் வாழ்க்கையில் இருந்த நெருக்கடிகள் விலக ஆரம்பிக்கும். தன்னம்பிக்கை அதிகரிக்கும். மாணவர்கள் ஆசிரியர்களின் ஆலோசனைகளை ஏற்று செயல்படுவீர்கள்.
சந்திராஷ்டமம்: பிப். 9
அதிர்ஷ்ட நாள்: ஜன. 22,23,31, பிப். 4,5,
பரிகாரம்: பிரத்யங்கிராவை வணங்கி வழிபட வளம் உண்டாகும்.

புனர்பூசம் 1,2,3ம் பாதம் : தெய்வீக அறிவிற்கும் வேதாந்த ஞானத்திற்கும் காரகனான குரு, கல்விக்கும் அறிவுக்கும் காரகனான புதனின் அம்சத்தில் பிறந்திருக்கும் உங்களுக்கு இந்த மாதம் வெற்றிகளை அடையக்கூடிய மாதமாக இருக்கும். பணவரவில் இருந்த தடைகள் விலகும். பொன், பொருள் சேர்க்கை உண்டாகும். சிலருக்கு புதிய பொறுப்பு வந்து சேரும். பணியில் இருந்த பிரச்னைகள் முடிவிற்கு வரும். எதிர்பார்த்த பதவி உயர்வு, இடமாற்றம் ஏற்படும்.  வெளி வட்டாரத்தில்  செல்வாக்கு அதிகரிக்கும்.  தொழிலில் முன்னேற்றம் ஏற்படும். போட்டிகளை சமாளித்து விற்பனையில் லாபம் அடைவீர்கள். புதிய தொழில் தொடங்க முயற்சித்தவர்களின் எண்ணம் நிறைவேறும். வெளிநாட்டு தொடர்புகள் ஆதாயத்தை உண்டாக்கும். கலைத்துறையினரின் விருப்பம் நிறைவேறும். விவசாயிகளின் விளை பொருளுக்கு எதிர்பார்த்த விலை கிடைக்கும். வியாபாரத்தில் இருந்த தடை விலகும். லாபம் அதிகரிக்கும். திருமண வயதினருக்கு வரன் தேடி வரும். பெண்களின் கனவு நிறைவேறும். மாணவர்களுக்கு கல்வியில் முன்னேற்றம் உண்டாகும். அரசியல்வாதிகளுக்கு செல்வாக்கு அதிகரிக்கும்.
சந்திராஷ்டமம்: பிப். 10
அதிர்ஷட நாள்: ஜன. 21,23,30, பிப்.3,5,12.
பரிகாரம்: உலகளந்த பெருமாளுக்கு துளசி மாலை சாத்தி வழிபட துயரம் தீரும்.