அருப்புக்கோட்டை; அருப்புக்கோட்டை முத்துமாரியம்மன் கோயிலில் பங்குனி பொங்கலை முன்னிட்டு பக்தர்கள் அக்னிசட்டி எடுத்தனர்.

முத்துமாரியம்மன் கோயில் பங்குனி பொங்கல் விழா ஏப்ரல் 1 ல் கொடி ஏற்றத்துடன் துவங்கியது. தொடர்ந்து 15 நாட்கள் நடைபெறும் விழாவில் நேற்று பெண்கள் விரதம் இருந்து கோயில் முன்பு பொங்கல் வைத்து வழிபட்டனர். இன்று காலையில் இருந்தே பக்தர்கள் தீச்சட்டி எடுத்தும் சிரா குத்தியும் அம்மனை வழிபட்டன. 50 க்கும் மேற்பட்ட திருநங்கைகள் அக்னி சட்டி எடுத்து நேர்த்திக்கடன் செலுத்தினர். தினமும் கோயில் அரங்கத்தில் கலையரங்கில் ஆன்மீக சொற்பொழிவு நடந்து வருகிறது. ஏற்பாடுகளை அருப்புக்கோட்டை நாடார்கள் உறவின்முறை தலைவர் சுதாகர் தலைமையில், எஸ்.பி.கே., ஆண்கள் பள்ளி செயலர் காசிமுருகன், உறவின் முறை செயலாளர் சரவணன், துணைத்தலைவர் சுரேஷ்குமார், கோயில் டிரஸ்டி கணேசன், எஸ்.பி.கே., பள்ளி தலைவர் ஜெயகணேசன், உறவின் முறை பொருளாளர் கனகராஜ், கல்லூரி செயலர் சங்கரசேகரன் மற்றும் உறவின்முறை நிர்வாகிகள் செய்து வருகின்றனர்.