கார்த்திகை.. நல்ல நேரம் வந்தாச்சு; ஆத்ம காரகனான சூரியனை நட்சத்திர அதிபதியாக கொண்டிருந்தாலும், 1ம் பாதமான மேஷத்தில் பிறந்தவர்களுக்கு செவ்வாய் ராசி நாதனாகவும், 2,3,4 ம் பாதங்களான ரிஷபத்தில் பிறந்தவர்களுக்கு சுக்கிரன் ராசிநாதனாகவும் உள்ளனர்.

கார்த்திகை 1ம் பாதத்தினருக்கு, மே 11 முதல் 3ம் வீட்டில் சஞ்சரித்து முயற்சியில் தடை,  வாழ்க்கையில் நெருக்கடி, தனித்து நிற்க வேண்டிய நிலையை உண்டாக்குவார் குருபகவான். 2,3,4 ம் பாதத்தினருக்கு 2ம் வீட்டில் குடும்ப குருவாக சஞ்சரித்து பண வரவையும், குடும்பத்தில் முன்னேற்றத்தையும், தொழில், வேலையில் ஏற்றத்தையும் தருவார்.

பார்வைகளின் பலன்

குருவின் சஞ்சார நிலையை விட அவர் பார்க்கும் இடங்கள் பலம் பெறும் என்பது பொது விதி. 1 ம் பாதத்தினருக்கு, குருவின் பார்வை 7,9,11 ம் இடங்களுக்கு உண்டாவதால் உங்களுடைய நீண்டநாள் கனவுகள் நனவாகும். எதிர்பார்ப்பு நிறைவேறும். செல்வாக்கு உயரும். திருமண வயதினருக்கு மணமாலை ஏறும். சொந்த வீடு, வாகனம் அமையும், வருமானம் அதிகரிக்கும். சங்கடங்கள் விலகும். 2,3,4 ம் பாதத்தினருக்கு, 6,8,10 ம் இடங்களுக்கு குருபார்வை உண்டாவதால் நோய்கள் தீரும். உடல்நிலை சீராகும், எதிர்ப்பு இல்லாமல் போகும், வழக்கு சாதகமாகும். செல்வாக்கு உயரும், மனதில் இருந்த பயம் விலகும். தொழில் முன்னேற்றம் பெறும். புதிய தொழில் தொடங்கும் முயற்சி வெற்றியாகும்.

சனி சஞ்சாரம்

1ம் பாதத்தினருக்கு, 2026 மார்ச் 6 வரை லாப சனியால் வருமானம் அதிகரிக்கும். தொழில் முன்னேற்றம் அடையும். புதிய தொழில் தொடங்கும் முயற்சி வெற்றியாகும். மார்ச்6 முதல் விரயச் சனியால் வரவை விட செலவு அதிகரிக்கும். கடன் தொல்லையால் மனம் பாதிக்கும். மருத்துவச் செலவு உண்டாகும். 2,3,4 ம் பாதத்தினருக்கு 2026 மார்ச் 6 வரை பத்தாமிட சனியால் தொழிலில் தடைகள் ஏற்படும். பணியாளர்களுக்கு வேலைப்பளுவும் நெருக்கடியும் அதிகரிக்கும். மார்ச் 6 முதல் தொட்டதெல்லாம் பொன்னாகும். வேலையில் நிம்மதி ஏற்படும். பதவி உயர்வு கிடைக்கும். வியாபாரத்தில் லாபம் உண்டாகும்.

ராகு, கேது சஞ்சாரம்

1ம் பாதத்தினருக்கு லாப ராகுவால், பல வழிகளிலும் வருமானம் வர ஆரம்பிக்கும். புதிய வீடு, வாகனம் என்ற கனவு நனவாகும். தொழில், வியாபாரம் முன்னேற்றம் பெறும். பொருளாதார நிலை உயரும். 2,3,4 ம் பாதத்தினருக்கு ராகு 10ல், கேது 4 ல் சஞ்சரிப்பதால் உழைப்பு அதிகரிக்கும். வியாபாரத்தில் முதலீட்டிற்கேற்ற லாபம் இல்லாமல் போகும். வேலையில் பிரச்னைகளை சந்திக்க நேரிடும். தாயாரின் உடல்நிலையில் பாதிப்பு ஏற்படும்.

சூரிய சஞ்சாரம்

1ம் பாதத்தினருக்கு, ஜூன் 15 – ஜூலை 16, செப்.17 – அக்.17, 2026, ஜன.15 – மார்ச் 14 காலங்களிலும், 2,3,4ம் பாதத்தினருக்கு, ஜூலை17 – ஆக.16, அக்.18 – நவ.16, 2026 பிப்.13 – ஏப்.13 காலங்களிலும் தன் 3,6,10,11ம் இட சஞ்சாரங்களால் முயற்சிகளை வெற்றியாக்குவார். உடல்நிலையை முன்னேற்றுவார். வழக்கை சாதகமாக்குவார். தொழிலில் லாபத்தையும் பணியில்  முன்னேற்றத்தையும் உண்டாக்குவார். வேலைக்காக முயற்சித்து வந்தவர்களை தகுதியான இடத்தில் அமர வைப்பார். புதிய தொழில் தொடங்கும் முயற்சிக்கு வழியமைப்பார். வாழ்வில் நிம்மதி, மகிழ்ச்சியை அதிகரிப்பார்.

செவ்வாய் சஞ்சாரம்

1 ம் பாதத்தினருக்கு, ஜூலை 30 – செப்.14, 2026, பிப்.21 – ஏப்.1 காலங்களிலும், 2,3,4 ம் பாதத்தினருக்கு, ஏப்.14 – ஜூன்8, செப்.14 – அக். 27, 2026 ஏப். 1 – மே 26 காலங்களிலும், தன் 3,6,11 ம் இட சஞ்சாரங்களால், எடுத்த வேலைகளை முடிக்க வைப்பார். எண்ணியதை நடத்தி வைப்பார். ஆரோக்கியத்தை அதிகரிப்பார். ஆற்றலை உண்டாக்குவார். வியாபாரம், தொழிலில் முன்னேற்றத்தை ஏற்படுத்துவார். வருமானத்தை அதிகரிப்பார். வீடு, நிலம் வாங்க வைப்பார்.

பொதுப்பலன்

குருபகவான் சஞ்சாரத்தில், ஜூன் 6 முதல் ஜூலை 6 வரை அஸ்தமனம் அடைவதால் அவரால் இக்காலத்தில் பலன்கள் வழங்க முடியாமல் போகும். அக்.8 முதல் நவ.18 வரை கடகத்தில் உச்சமடையும் காலத்தில் அவருடைய பார்வைகளால் பலன் கிடைக்கும். ராகு, சனி, சூரியன், செவ்வாய் என்று இக்காலத்தில் உங்கள் வாழ்வில் முன்னேற்றத்தை ஏற்படுத்துவர்.  நீண்டநாள் கனவுகளை நனவாக்குவர்.

தொழில்

தொழிலில் ஏற்பட்ட தடைகள் விலகும். புதிய தொழில் தொடங்கும் முயற்சி வெற்றியாகும்.

கலைஞர்களுக்கும், வியாபாரிகளுக்கும் எதிர்பார்த்த ஒப்பந்தம் கிடைக்கும். அரசுவழி முயற்சிகள் சாதகமாகும். ஏற்றுமதி இறக்குமதி, ஆட்டோ மொபைல்ஸ், ஸ்பேர் பார்ட்ஸ், ஹார்டுவேர்ஸ் தொழில்கள், ஆன்லைன் வர்த்தகம் முன்னேற்றம் பெறும். 

பணியாளர்கள்

வேலை பார்க்கும் இடத்தில் ஏற்பட்ட நெருக்கடி நீங்கும். எதிர்பார்த்த சலுகை, ஊதியம் கிடைக்கும். சிலருக்கு புதிய பொறுப்பு உண்டாகும். பார்த்து வரும் வேலையை விட்டு விட்டு வெளிநாட்டிற்கு செல்லும் யோகம் சிலருக்கு ஏற்படும். அரசு பணியாளர்களுக்கு ஏற்பட்ட சங்கடங்கள் விலகும். தடைபட்ட பதவி உயர்வு, இடமாற்றம் கிடைக்கும்.

பெண்கள்

இதுவரை இருந்த போராட்டங்கள் விலகும். உடல் பாதிப்புகள் நீங்கும். கல்வி, திருமணம், வேலை போன்ற கனவுகள் நனவாகும். கணவன், மனைவிக்குள் இணக்கம் உண்டாகும். குடும்பத்தினரின் ஆதரவு கூடும். பொன், பொருள் சேரும்.

கல்வி

பொதுத்தேர்வில் எதிர்பார்த்த மதிப்பெண் கிடைக்கும். விரும்பிய பாடப்பிரிவில், விரும்பிய கல்லுாரியில் இடம் கிடைக்கும்.

உடல்நிலை

இக்காலத்தில் உடல்நிலையில் கவனமாக இருப்பது அவசியம், விபத்து, அல்சர், சுவாச பிரச்னை, அஜீரணக்கோளாறு, ரத்த அழுத்தம், சர்க்கரை என ஏதாவது பாதிப்பு ஏற்பட்டுக் கொண்டே இருக்கும். ஆனாலும் அவற்றில் இருந்து விரைவில் நிவாரணம் கிடைக்கும்.

குடும்பம்

குடும்பத்தில் ஏற்பட்ட பிரச்னைகள் முடிவிற்கு வரும். வேலை, வருமானம், தொழில் என்ற நிலைகளால் பிரிந்த தம்பதிகள் ஒன்று சேர்வர். குடும்பத்தில் சுபநிகழ்ச்சி நடைபெறும். சிலர் புதிய வீட்டில் குடியேறுவர்.  பிள்ளைகளின் நலனில் அக்கறை அதிகரிக்கும். வசதி, வாய்ப்புகள் கூடும்.

பரிகாரம்: அதிகாலையில் சூரிய பகவானை வழிபட வாழ்வில் வளம் உண்டாகும்.