பண்ருட்டி: பண்ருட்டி படைவீட்டம்மன் கோவில் தெருவில் மேல்மருவத்துர் ஆதிபராசக்தி சித்தர் கிளை கோவிலில் சக்தி பீட, குரு பீட கும்பாபிஷேகம் நடந்தது.

கோவில் வளாகத்தில் ஆன்மிக குரு பங்காரு சித்தர் அம்மா குரு பீட திருப்பணிகள் முடிந்து, திருவுருவ சிலை 9 நாட்கள் கடலுார் மாவட்ட மேல்மருவத்துார் ஆதிபராசக்தி மன்றங்களுக்கு கரிகோலமாக எடுத்து செல்லப்பட்டு பிரதிஷ்டை செய்யப்பட்டது.

விழாவையொட்டி 3கால வேள்வி பூஜை நடந்தது. நேற்று காலை 9:30 மணியளவில் மேல்மருவத் துார் ஆன்மிக இயக்க துணை தலைவர் செந்தில்குமார் தலைமையில் குருபீட கும்பாபிஷேகம் நடந்தது.

இதில் முன்னாள் அமைச்சர் சம்பத், நகராட்சி சேர்மன் ராஜேந்திரன், அ.தி.மு.க.நகர செயலாளர் மோகன், தமிழ்நாடு வணிகர் சங்கங்களின் பேரமைப்பு மண்டல தலைவர் சண்முகம், துணை சேர்மன் சிவா, அண்ணா பொறியியல் கல்லுாரி முன்னாள் புலமுதல்வர் செந்தில்குமார், மேல்வருத்துார் ஆதிபராசக்தி கடலுார் மாவட்டதலைவர் கணபதி, மாவட்ட பொருளாளர் ராதாகிருஷ்ணன், சக்தி பீட தலைவர் டாக்டர் முத்துசெழியன், துணை தலைவர் ராஜசேகர், கிழக்குமண்டல பிரசார இணை செயலர் எழுமலை, மண்டல துணை தலைவர் கோவிந்தராஜன், இளைஞரணி சுந்தர்ராஜன், மத்திய பிரசார குழ ஓருங்கிணைப்பாளர் சுப்ரமணியன், முன்னாள் ரோட்டரி சங்க தலைவர் பாண்டு உள்ளிட்ட ஆயிரக்கனக்கான செவ்வாடை பக்தர்கள் கலந்து கொண்டனர்.