இனியதையே பேசும் மேஷ ராசி அன்பர்களே!

இந்த மாதம் சூரியனும், புதனும் சாதகமற்ற இடத்திற்கு சென்றாலும், குருவும், கேதுவும் நற்பலன் கொடுப்பார்கள். சுக்கிரன் ஏப். 1வரை நற்பலன் தருவார். சொந்தபந்தங்கள் வருகை இருக்கும். குருவால் மணப்பந்தல் போடும் இனிய சூழ்நிலை ஏற்படும். பணவரவை அதிகரிப்பார். பெண்களால் மேன்மையும், குழந்தை பாக்கியமும் கிடைக்கும். குடும்பத்தில் முன்னேற்றமான சம்பவங்கள் நடக்கும். தேவைகள் பூர்த்தியாகும். மாத பிற்பகுதியில் செலவு அதிகரிக்கும். சகோதரிகளால் பொருள் சேரும். விருந்து விழா என சென்று வருவீர்கள்.

தொழில், வியாபாரத்தில் அதிகமாக உழைக்க வேண்டி இருக்கும். ஆனால், அதற்கு தகுந்த வருமானமும் நிச்சயம். சூரியனால் சிறிது பொருள் விரயம் ஏற்பட்டாலும் சமாளித்து விடலாம். போட்டியாளர்களின் இடையூறு அவ்வப்போது வரலாம். புதிய வியாபாரம் தற்போது வேண்டாம். யாரையும் நம்ப வேண்டாம். மார்ச் 23,24ல் எதிர்பாராத பணவரவு இருக்கும்.

பணியாளர்களுக்கு அதிக வேலைப்பளுவும், அலைச்சலும் இருக்கும். உங்களுக்கு வரும் பிரச்னைகளை குரு நிவர்த்தி செய்வார். அதிக முயற்சி செய்தே கோரிக்கைகளை நிறைவேற்ற முடியும். சிலர் இடமாற்றத்தை சந்திக்க நேரிடும். ஏப். 2,3ல் சிறப்பான பலன்கள் நடக்கும். எதிலும் வெற்றி காணலாம்.

கலைஞர்களுக்கு மாத முற்பகுதியில் புதிய ஒப்பந்தம் கிடைக்கும். திறமைக்கு ஏற்ற அங்கீகாரம் வரும்.

அரசியல்வாதிகள் பலனை எதிர்பாராமல் உழைக்க வேண்டி இருக்கும்.

மாணவர்கள் சிரத்தை எடுத்து படிக்க வேண்டும். ஆசிரியர்களின் அறிவுரை கைகொடுக்கும்.

பெண்களுக்கு குடும்பத்தாரிடம் நற்பெயர் கிடைக்கும். அக்கம் பக்கத்தினர் அனுசரணையுடன் இருப்பர். ஆடம்பர பொருட்கள் தேவையில்லை. சகோதரிகளின் ஆதரவு உண்டு. பொருள் சேரும். புத்தாடை, நகை வாங்கலாம். உடல்நலம் சிறப்பாக இருக்கும்.

நல்ல நாள்: மார்ச் 16,17,23,24,25,26,27, ஏப்ரல் 2,3,4,5, 8,9,12,13.

கவன நாள்: மார்ச் 28,29 சந்திராஷ்டமம்.

அதிர்ஷ்ட எண்: 3,9

நிறம்: மஞ்சள், சிவப்பு

பரிகாரம்: நவக்கிரகங்களை வழிபடுங்கள். தினமும் காலையில் சூரியனை வணங்குங்கள். பார்வையற்றவர்களுக்கு உதவி செய்யுங்கள். புதன் கிழமை பசுவுக்கு பசுந்தழை போடுங்கள். இதனால் குடும்பத்தில் அமைதி நிலவும்.