திட்டமிட்டு செயல்படும் தனுசு ராசி அன்பர்களே!

சுக்கிரன்,கேது, குரு நற்பலனை வாரி வழங்குவர். ஆர்வமுடன் செயல்பட்டு எதையும் துரிதமாக செய்து முடிப்பீர்கள். செவ்வாய் ராசிக்கு 12 ல் இருப்பதால் தடை உருவானாலும் எளிதாக முறியடிப்பீர்கள். பணப் புழக்கம் அதிகரிக்கும். சமூக அந்தஸ்து சிறப்பாக இருக்கும். குடும்பத்தில் கணவன், மனைவி இடையே அன்பு பெருகும். புதுமணத் தம்பதிக்கு குழந்தை பாக்கியம் கிடைக்கும். திருமணம் போன்ற சுபவிஷயம் குறித்த பேச்சில் விரும்பிய முடிவு கிடைக்கும். பொன், பொருள் சேரும். மார்ச்30,31,ஏப். 1 ல் பெண்களால் நன்மை கிடைக்கும். மார்ச் 25,26,27ல் உறவினர் வருகையால் நன்மை அதிகரிக்கும்.

தொழில், வியாபாரத்தில் பொருளாதார வளம்  அதிகரிக்கும். கூட்டாளிகளிடையே ஒற்றுமை மேலோங்கும். பகைவர் தொல்லை அவ்வப்போது தலை துõக்கினாலும் பாதிப்பு உண்டாகாது. மார்ச் 14,15  ஏப். 10,11ல் எதிர்பாராத வகையில் வருமானம் கிடைக்கும். மார்ச் 30க்கு பிறகு அலைச்சல் அதிகரிக்கலாம். தொழில் ரீதியாக அடிக்கடி வெளியூர் பயணம் ஏற்படலாம்.

பணியாளர்களுக்கு எதிர்பார்த்த இடமாற்றம், பதவி உயர்வு கிடைக்க வாய்ப்புண்டு. பணியிடத்தில் செல்வாக்குடன் திகழ்வர். விண்ணப்பித்த கடனுதவி விரைவில் கிடைக்கும்.

மாணவர்கள் பிற்போக்கான நிலையில் இருந்து விடுபடுவர். புதனால் கல்வி வளம் சீராகும். ஆசிரியர்களின் ஆலோசனை வளர்ச்சிக்கு வழிவகுக்கும்.

கலைஞர்கள் புதிய ஒப்பந்தம் கிடைக்கப் பெறுவர். சிலருக்கு அரசிடம் இருந்து விருது, பாராட்டு கிடைக்கும்.

அரசியல்வாதிகள் கையில் பெரும் பணம் புழங்கும்.

விவசாயிகள் உழைப்புக்கு ஏற்ப வருமானம் காண்பர். கோதுமை, பழவகைகள் போன்றவற்றின் விளைச்சல் அதிகரிக்கும். புதிய சொத்துகள் வாங்கும் எண்ணம் தாமதமாகும்.

பெண்கள் குடும்பத்தினரின் நன்மதிப்பை பெறுவர்.ஏப்.1 க்கு பிறகு சமூக மதிப்பு உயரும். உறவினரால் உதவி கிடைக்கும். ஏப்ரல் 4,5 ல் மனம் போல ஆடை, ஆபரணம் வாங்கி மகிழ்வீர்கள்.

நல்ல நாள்: மார்ச் 14,15,16,17,23,24,25,26,27,30,31, ஏப். 1,4,5,10,11,12,13

கவன நாள்: மார்ச் 18,19,20 சந்திராஷ்டமம்

அதிர்ஷ்ட எண்: 3,5

நிறம்: வெள்ளை,மஞ்சள்

பரிகாரம்: நவகிரகங்களை வழிபடுங்கள். தினமும் சூரிய வழிபாடு நடத்துங்கள். நரசிம்மர் வழிபாடு நன்மையளிக்கும். சனீஸ்வரருக்கு அர்ச்சனை செய்யுங்கள். புதன்கிழமை குல தெய்வத்தை வணங்கி ஏழைகளுக்கு பாசிப்பயறு தானம் செய்யுங்கள்.