திருக்கோவிலுார்: உலகளந்த பெருமாள் கோவிலில், திருவோணத்தை முன்னிட்டு, வெண்ணைக்காப்பு அலங்காரத்தில் வாமனர்  அருள்பாலித்தார். திருக்கோவிலுார் பெருமாள் கோவிலில் மூலவரான உலகளந்த பெருமாள் சன்னதிக்கு பின்புறத்தில் வாமனர் சன்னதி  அமைந்துள்ளது. ஆவணி திருவோணத்தை முன்னிட்டு, நேற்று காலை வாமனருக்கு விசேஷ திருமஞ்சனம் நடந்தது. மாலை 5:00  மணிக்கு வெண்ணைக்காப்பு அலங்காரத்தில்,  சுவாமிக்கு தீபாராதனை நடந்தது. தொடர்ந்து, சகஸ்ர தீபம், தீப பிரதிஷ்டை, விஷ்ணு சகஸ்ர  நாமம் ஆகியவை நடந்தன. ஜீயர் ஸ்ரீநிவாச ராமானுஜாச்சாரிய சுவாமிகள் தலைமையில் நடந்த விழாவில், ஏராளமான பக்தர்கள் சுவாமி  தரிசனம் செய்தனர்.