திருப்பதி: திருமலை, ஏழுமலையான் தரிசனம், நாளை (ஜூலை 10) மட்டும், ஐந்து மணி நேரம் ரத்து செய்யப்பட உள்ளதாக தேவஸ்தானம் தெரிவித்துள்ளது.

ஆந்திர மாநிலம், திருப்பதி, திருமலையில், வைகுண்ட ஏகாதசி, உகாதி, ஆனி வார ஆஸ்தானம், வருடாந்திர பிரம்மோற்சவம் உள்ளிட்ட உற்சவங்களுக்கு முன், ஏழுமலையான் கோவில் சுத்தம் செய்யப்படுவது வழக்கம். அதன்படி, வரும், 17ல், திருமலையில், ஆனி வார ஆஸ்தானம் எனப்படும், புதிய கணக்கு துவங்கும் உற்சவம் நடக்க உள்ளது. அதையொட்டி, நாளை (ஜூலை 10), ஏழுமலையான் கோவில் முழுவதும் சுத்தம் செய்யப்பட உள்ளது. எனவே, அன்று காலை, 6:00 மணி முதல், 11:00 மணி வரை ஏழுமலையான் தரிசனம் ரத்து செய்யப்பட்டுள்ளது.