திண்டுக்கல்: திண்டுக்கல் கோயில்களில் ஆடி வெள்ளியை முன்னிட்டு கோயில்களில் நேற்று பக்தர்கள் கூட்டம் அதிகமாக இருந்தது. பலர் கூழ் காய்ச்சி பக்தர்களுக்கு வழங்கினர். கோட்டைமாரியம்மன் கோயில், அபிராமியம்மன் கோயில், மாதா புவனேஸ்வரி அம்மன் கோயில், தீப்பாச்சியம்மன், பழநிரோடு காளியம்மன், செல்லாண்டியம்மன் கோயில் உட்பட பல இடங்களில் ஆடி வெள்ளியை முன்னிட்டு சிறப்பு பூஜை நடந்தது.

கூழ் காய்ச்சி படைக்கப்பட்டது. இதையொட்டி போலீஸ் பாதுகாப்பு பலப்படுத்தப்பட்டு இருந்தது. சின்னாளபட்டி: சின்னாளபட்டி பாலநாகம்மன் கோயிலில், பக்தர்கள் வழங்கிய கம்பு, கேழ்வரகு, அரிசி ஆகியவற்றை கலந்து கூழ் தயாரிக்கப்பட்டது. விசேஷ பூஜைகளுக்குப்பின், பக்தர்களுக்கு கூழ் பிரசாதம் வழங்கல் நடந்தது. மேட்டுப்பட்டி, நடூர், தென்புதுார், கீழக்கோட்டை, ஜனதா காலனி சவுடம்மன் கோயில், செக்கடி தெரு சமயபுரம் மாரியம்மன் கோயில், ஜீவா நகர் சந்து மாரியம்மன் கோயில்களில், தெத்துப்பட்டி ராஜகாளியம்மன் கோயிலில் ஆடி வெள்ளி சிறப்பு பூஜைகள் நடந்தது.