ஒட்டன்சத்திரம்: ஒட்டன்சத்திரம் காமாட்சியம்மன் கோயிலில் இளநீர், சந்தனம், பன்னீர் அபிேஷகங்களுடன் மலர் அலங்காரம் செய்யப்பட்டு சிறப்பு பூஜைகள் நடந்தது. பெண்கள் நெய்தீபம் ஏற்றி அம்மனை வழிபட்டனர். தங்கச்சியம்மாபட்டி கரைமாரியம்மன் கோயிலில் அம்மனுக்கு சிறப்பாக அலங்காரம் செய்யப்பட்டு பூஜைகள் நடந்தன. பக்தர்களுக்கு அன்னதானம் வழங்கப்பட்டது. இதேபோல் பெயில்நாயக்கன்பட்டி காளியம்மன் கோயிலில் நடந்த சிறப்பு பூஜையில் சுற்று வட்டார பகுதிகளிலிருந்து ஏராளமானோர் கலந்து கொண்டு, அம்மனை வழிபட்டனர்.

பாலநாகம்மாள் கோயில் கொடியேற்றம்: சின்னாளபட்டி பாலநாகம்மாள் கோயிலில், ஆடித்திருவிழா நேற்று கொடியேற்றத்துடன் துவங்கியது. முன்னதாக, பூஜாரி நாகஜோதி, அம்மனுக்கு சிறப்பு அபிேஷக, ஆராதனைகளை நடத்தினார். சிறப்பு பூஜைகளுக்குப்பின், கொடியேற்றம் நடந்தது. விழாவின் முக்கிய நிகழ்ச்சிகளாக, ஜூலை 27-ல் கணபதி ஹோமமும், ஆக. 2ல் கரகமெடுத்தல், ஆக. 13ல் வளைகாப்பு விழா நடக்க உள்ளது. ஏற்பாடுகளை, கோயில் நிர்வாகத்தினர் செய்து வருகின்றனர்.

« முந்தைய

அடுத்து »