திருப்போரூர்: திருப்போரூர் கந்தசுவாமி கோவில் திருவண்ணா மலை சோமாசல சுவாமி நேற்று (பிப்., 8ல்) வழிபாடு நடத்தினர்.திருப்போரூரில் புகழ்பெற்ற கந்தசுவாமி கோவில் உள்ளது.

இக்கோவிலுடன் தொடர்புடைய சிதம்பர சுவாமிகள் மடத்திற்கு, திருவண்ணாமலையை சேர்ந்த, சோமாசல சுவாமி வந்தார். அவர் வழிபாடு நடத்தினார்.மேலும், சிதம்பரம் மடத்திற்கு மடாதிபதி இல்லாதது குறித்து, பக்தர்களுடன் விவாதித்தார்.இதுகுறித்து, திருப்போரூர் கந்தசுவாமி கோவில் நிர்வாகத்திடம் கேட்டபோது, மடாதிபதி நியமனம் குறித்து நீதிமன்ற வழக்குகள் உள்ளன. இதனால் மடாதிபதியின் பொறுப்புகளை, காஞ்சிபுரம் உதவி ஆணையர் மேற்கொண்டு வருகிறார். நீதிமன்ற தீர்ப்புக்கு பிறகே, புதிய மடாதிபதி பொறுப்பேற்பதற்கான சூழல் ஏற்படும் என்றனர்.