சிங்கம்புணரி: சிங்கம்புணரி அருகே சதுர்வேதமங்கலம் ஆத்மநாயகி உடனுறை ருத்ரகோடீஸ்வரர் கோயிலில் தேரோட்டம் நடந்தது.

சிங்கம்புணரி, பிப். 19 -சிங்கம்புணரி அருகேயுள்ள சதுர்வேதமங்கலம் ஆத்மநாயகி உடனுறை ருத்ர கோடீஸ்வரர் கோயில் தேரோட்டம் நேற்று நடந்தது.குன்றக்குடி ஆதினத்திற்குட்பட்ட இக்கோயிலின் மாசிமகத்திருவிழா கடந்த பிப். 10 ம் தேதி கொடியேற்றத்துடன் தொடங்கியது. 10 நாள் மண்டகப்படியாக நடக்கும் இத்திருவிழாவின் ஒவ்வொரு நாளும் சுவாமி அம்பாளுடன் வெவ்வேறு வாகனங்களில் எழுந்தருளி பக்தர்களுக்கு அருள்பாலித்தார்.பிப். 14 ம் தேதி திருக்கல்யாணமும், 15 ம் தேதி கழுவன் திருவிழாவும் நடந்தது. 9 ம் நாளான நேற்று பிப். 18 ம் தேதி இக்கோயிலின் தேரோட்டம் நடந்தது. இதையொட்டி காலை 9:30 மணிக்கு சுவாமி அம்பாளுடன் தேரில் எழுந்தருளினார். மாலை 5:00 மணிக்கு பொன்னம்பல அடிகள் தேரோட்டத்தை துவக்கி வைத்தார்.