திருமங்கலம்: திருமங்கலம் அருகே ராயபாளையம் முக்தி நிலைய வளாகத்தில் கட்டப்பட்ட சத்ய யுக சிருஷ்டி கோயில் மகா கும்பாபிஷேகம் நடந்தது. இதையொட்டி செப்.,5 காலை 8:30 மணிக்கு ஓம்கார ஜபம், தேவதா அனுக்ஞை, விக்னேஸ்வர பூஜை, பூர்ணா ஹூதி நடந்தது.

6 ல் முதல் கால யாகசாலை பூஜை, 7ல் காலை 2ம் கால யாகசாலை பூஜை, மாலை 3ம் கால யாகசாலை பூஜை நடந்தது. நேற்று காலை 4ம் கால யாகசாலை பூஜை முடிந்து பரிவார மூர்த்திகள் விமானம் மற்றும் மூலஸ்தானத்திற்கு கும்பாபிஷேகம் நடந்தது. பின் முக்தீஸ்வரர் விமானத்தில் கும்பாபிஷேகம் நடந்ததையடுத்து ஷீரடி சாய்பாபா, எமதர்மராஜா, கவுதம புத்தர் கோயில் கலசங்களில் புனித நீர் ஊற்றப்பட்டு தீபாராதனை காட்டப்பட்டது.